Almennu hyggjuviti kastað fyrir róða

Ótrúlega stór hluti álitsgjafa kýs að láta almennt hyggjuvit fyrir róða þegar eitt af áleitnustu vandamálum nútímans er annars vegar, innrás íslams inn í vestræn samfélög. Þetta eru ekki síst þeir sem telja sig til vinstrisinnaðrar menntastéttar. Margir þeirra fjölluðu af mikilli fyrirlitningu í áramótauppgjörum sínum um okkur sem vörum við hættunni af jihad, útrás íslams jafnt með orði sem sverði.

Síst af öllu angra fráleitir dómar þessara manna mig vegna minnar eigin persónu. Sagan mun dæma þessa menn eins og aðrir sambærilegir hafa verið dæmdir áður og hæddu þá sem vöruðu við kommúnisma og nasisma. Þarna er sagan að endurtaka sig eins vel og sagan getur almennt endurtekið sig, sem hún verður ávallt að gera að breyttu breytanda. Almenning varðar samt að fráleitum málflutningi þessara manna sé svarað.

Ekki einasta hafna þessir menn almennu hyggjuviti og gagnrýnni söguskoðun heldur eru okkur andstæðingum íslams gerðar upp skoðanir og kenndir sem við höfum ekki almennt. Með því er vegið að okkur með ósæmilegum hætti sem ég ætla mér ekki að sitja undir fyrst og fremst vegna framtíðarhagsmuna þjóðarinnar. Okkur er ætlað glórulaust útlendingahatur, fáfræði, pólitískt eða trúarlegt ofstæki og jafnvel fasismi þegar ekkert er fjær lagi hvað flesta okkar varðar. Ekkert er fjær hugsun einstaklingshyggjumanna en alræðiskerfi heildarhyggjunar.

Með andstöðu við kommúnisma og nasisma voru menn ekki sekir um útlendingahatur. Alveg sama á við um íslam. Kommúnismi, nasismi og íslam er allt hugmyndafræði en ekki þjóðir eða kynþættir. Íslam er fyrst og fremst pólitískt alræðiskerfi alveg eins og kommúnismi og nasismi og náskylt í þokkabót. Allar þessar alræðisstefnur stefna að því að ná öllum heiminum undir sig og að setja fjötra á allt mannkyn. Íslam er hættulegast af þessum alræðiskerfum af ýmsum ástæðum, m.a. með því að geta dulbúist sem trúarbrögð þó að sú dularslæða sé býsna gegnsæ fyrir þá sem vilja sjá.

Enginn viti borinn maður er á móti hæfum útlendingum sem vilja setjast hér að. Við þekkjum fjöldann allan af dæmum hvernig kraftmiklir einstaklingar af öðru þjóðerni hafa lyft hér grettistaki. Þeir sjá oft tækifæri sem öðrum hefur yfirsést og hafa þannig gert samfélagið ríkara og betra. Öflugt tónlistarlíf landsins er að miklu leyti sprottið af þessum meiði. Sama hefur gerst á öðrum sviðum menningar- og atvinnulífs. Þessir einstaklingar eru oftast fljótir að aðlagast. Það eina sem greinir afkomendur þeirra stundum frá öðrum Íslendingum er tryggð þeirra við erlend fjölskyldunöfn sín.

Öðru máli gegnir um svokallaða velferðarfarþega sem sjá sér þann hag vænstan að setjast hérna upp á velferðarkerfið en hafa margir hvorki vilja né getu til þess að bretta upp ermar né að aðlagast þjóðinni og háttum hennar. Ekki bætir svo úr skák þegar þeir bera í ofanálag haturshug til vestrænnar menningar eins og fjöldamörg dæmi eru um meðal múslíma.

Af reynslu annarra þjóða má ráða að hugmyndafræði íslams er svo baneitruð að stór hluti múslíma, sem hafa sest að í vestrænum löndum, hefur orðið þeim mun ofstækisfyllri í þessari hryllilegu hugmyndafræði sem kynslóðum múslímskra innflytjenda fjölgar. Margir múslímar eru auðvitað ágætisfólk en mega sig ekki hræra vegna skelfilegra boða alræðiskerfisins og ógnarstjórnar innvígðra og sanntrúaðra í íslam. Þetta munstur er þekkt hjá öðrum alræðiskerfum svo sem hjá nasistum og kommúnistum.

Kommúnismi og nasismi voru að mestu leyti kveðnir í kútinn á síðustu öld að föllnum á annað hundrað milljónum manna. Þrátt fyrir hörmungar í nær 14 aldir af völdum íslams og nær 300 milljónir fallinna manna, sem ekki voru múslímar, hefur ekki tekist að vinna bug á þessari hryllilegu og manneskjufjandsamlegu hugmyndafræði. Nær 1,5 milljarðar múslíma um heim allan líða fyrir þetta ofstæki. Saga íslams er alblóðug. Hrokafullu og fáfróðu álitsgjafarnir fyrrnefndu ættu að sjá sóma sinn í að kynna sér þessa sögu og hið sanna eðli íslams.

Ég ætla þessum mönnum ekki illan vilja heldur hugsjónamennsku á villigötum. Þeir ættu að hugleiða orð T.S. Eliot: »Helmingur af skaðsemi sem verður í heiminum gerist vegna löngunar manna að finna til mikilvægis síns. Þeir óska þess ekki að valda skaða en hugsun um skaða er þeim heldur ekki áleitin. Eða þeir sjá hann ekki eða réttlæta hann af því að þeir eru í endalausri baráttu fyrir sjálfsupphafningu.«

Álitsgjafarnir ofangreindu telja sér það margir til ágætis að vera trúlausir og þess vegna fyrir neðan virðingu þeirra að lesa sér til um trúarbrögð. Þeir geta áhyggjulausir kynnt sér íslam sem er fyrst og fremst stjórnmálakerfi til þess að stýra jafnt einkalífi sem opinberu lífi þess hluta mannkyns sem hefur verið hremmdur í þessa helfjötra. Þeir gerðu betur að líta í eigin barm en væna okkur samborgara þeirra um lágkúrulegar hvatir. Jafnvel þótt þeir harðneiti að kynna sér neitt af viti um íslam þurfa þeir, sem búa yfir einhverri rökhugsun, einhverju hyggjuviti og eru færir um að lesa sér eitthvað til um annað en það sem íslenskir fjölmiðlar og þá sérstaklega Fréttablaðið og Ríkisútvarpið bjóða upp á, ekki að þvælast endalaust um í myrkrinu og fordæma þá sem hafa kjark til að segja sannleikann þó að hann sé óþægilegur.

P.S. Þessi grein var skrifuð daginn fyrir óhæfuverkin í París og send til birtingar í Mbl sama morgunin og ráðist var inn á skrifstofur Charlie Hebdo. Voðaverkin í París voru þannig ekki uppspretta greinarinnar heldur staðfesting á innihaldi hennar.

 

Athugasemdir

[Óskar Helgi Helgason (IP-tala skráð) 10.1.2015 kl. 14:31]

Sæll sem ávallt Valdimar - sem og aðrir gestir þínir !

Vel sagt: sem oftar og fyrri af þinni hálfu, en ... ég tel rótgróinn illvilja og aðrar neikvæðar meinsemdir Kóran þvælunnar inngrónar, í stærstan hluta þessa liðs / síðuhafi góður.

Með beztu kveðjum sem endranær - af Suðurlandi /  

[Karl Löve (IP-tala skráð) 10.1.2015 kl. 17:29]

Finnst þessi orð skýra ágætlega hversvegna ekki er hægt að kalla islam trúarbrögð. 

"Theocracy = Klerkaveldi."

"I view Islam as a theocracy, not a religion.

Islam is the union of political, legal, and religious ideologies. In other words, law, religion and state are forged together to form what Muslims refer to as “The Nation of Islam.”

It is given the sovereign qualities of a nation with clerics in the governing body and Sharia law all in one. 

This is a Theocracy, not a religion.

9) Islam allows Muslims to kill their own children, (honor killing) if the behavior of those children embarrasses or dishonors the family name.

10) In the 1400 year history of Islam, Muslims have murdered over 270 million people.

[Valdimar Jóhannsson (IP-tala skráð) 10.1.2015 kl. 22:54]

Sá sem er illa að sér um islam, áttar sig ekki á því þegar músliminn lýgur að honum. Vel lesinn áttar sig strax og ég segi alltaf að múslimi segir aldrei sannleikan um "trúarbrögð friðarinns" þegar hann talar við vantrúaða, því honum er það uppálagt úr Kóraninum. Maður stendur þá að lýgi í hvert skipt sem þeir opna munninn. Vantrúaðir hafa ekki hyggjuvit og eru svokölluð "nytsömu idiotin" sem styðja múslima og þá islamista að festa rætur í samfélaginu. Þessir einstalkingar eru hættulegri lýðræðinu en múslimar sjáfir.

Hún er ekki betri músin sem læðist en músin sem stekkur. 

[Sigurður Rósant, 11.1.2015 kl. 01:21]

Sammála flestu af því sem greinin fjallar um, nema um 'vantrúaða' sem þú setur alla undir sama hatt.

Í mínum huga eru 'vantrúaðir' hinn þögli meirihluti í öllum trúarbrögðum sem efast það mikið um trúarkenningar þær sem þeim er ætlað að trúa - að þeir standa orðlausir hjá og vilja alls ekki tjá sig um þær grillur sem 'hinn sterki' minnihluti spýr í kringum sig og stjórnar þöglum meirihlutanum.

Minnstu þess einnig að margur 'trúleysinginn' er betur að sér í innihaldi Biblíunnar og Kóransins en gengur og gerist meðal trúaðra.

Ég vil hins vegar segja það hreint út að ýmsir talsmenn Vantrúar og Siðmenntar mættu vera betur að sér um Kristindóm, Gyðingdóm og Islam, en lítur út fyrir í skrifum þeirra og afstöðu til þessara trúarbragða.

Þegar á allt er litið, skarast sjónarmið manna á ótrúlega marga vegu í umræðunni um moskybyggingar, múslimi og innflytjendur.

[Valdimar H Jóhannesson, 11.1.2015 kl. 10:36]

Sæll Sigurður Rósant

þú ert að lesa eitthvað út úr greininni sem er ekki í henni. Ég set ekki alla vantrúaða undir einn hatt. Það skyldi þó ekki vera að ég sé sjálfur einn af þeim þó að ég eigi ekki samleið með þeim sem hafa gert vantrú að sérstakri religion eins og fólkið sem maður hittir fyrir úr röðum Siðmenntar. Ég lýsi fundi Siðmenntar, sem ég sótti nýverið, í bloggi mínu: http://valdimarjohannesson.blog.is/blog/valdimarjohannesson/entry/1526013/

Það var vægt að orði kveðið ekki hrífandi félagsskapur!  Ég er sem sagt vantrúaður sjálfur eða afar mikill efahyggjumaður en vil tilheyra kristnu samfélagi vegna þess að það er gott og farsælt samfélag.

[Valdimar H Jóhannesson, 11.1.2015 kl. 10:48]

Sæll nafni

Það er hluti af herkænsku jihadista að blekkja og rugla andstæðinginn í ríminu og andstæðingurinn erum m.a. við eins og allir aðrir sem ekki eru múslímar eða það sem þeir kalla kuffar( eintala:kafir). Talsmenn þeirra eru allir þjálfaðir í lygatækni en þar eiga þeir samleið með mörgum vinstri mönnum sem strax og að þeim er vegið grípa til afbökunar af ýmsu tagi.

Núna í kjölfar atburðanna í París fara gamalkunnug stef í gang. Öllum upplýsingum um hryllingsverk í nafni íslam í 14 aldir sem og í dag er svarað með útúrsnúningum. Þar hafa vinstri menn mikla reynslu vegna afneitunar á illum verkum í nafni kommúnisman og nasismans meðan vinstri menn viðurkenndu almennt ennþá að nasismi væri vinstri stefna eins og hann er. Þeir hafa og geta einnig lært af múslímum sem hafa 14 alda æfingu í afbökun staðreynda, ósannindum og útúrsnúningi.

Íslam hefur yfir að ráða þrjú hugtök um múslímskar lygar sem á að beita gegn kuffar, sem er lægsta form náttúrunnar. Kuffar erum við sem afneitum Allah og Múhammeð og eigum það eitt skilið að deyja ef við höfnum íslam eða neitum af borga sérstakan skatt( jiziyya)  og taka stöða dhimma, sem kristnir menn og gyðingar hafa, þ.e. þeir sem fallast á að hafa 2. flokks borgarréttindi og borga verndarskatt með sérstakri auðmýkingu og missa öll réttindi um leið og einhverjum í samfélagi okkar verður á í messunni.

Þessi lygahugtök eru:

Taqiyya:  múslímskrar lygar og blekkingar í þágu trúarinnar.

Kitman:  Blekkja með því að segja aðeins hluta sannleikans .

Tawriya:  Kreatívar lygar, láta hlustanda halda að umræðuefnið sé annað en það er. T.d. „ Ég á ekki krónu með gati“ en vera samt með veskið fullt af seðlum en enga krónumynt með gati í.

 

[Valdimar Jóhannsson (IP-tala skráð) 11.1.2015 kl. 11:42]

http://avpixlat.info/2015/01/11/sapere-aude-vaga-veta-del-12/#more-138023

Sæll, hér er ágætis grein, um Kóraninn og tvískinnunginn í þeirri bók og hugsunarhátt múslima. Það er ekki allra að komast í gegn um það torf.

Verður að lesast!

[Sigurður Rósant, 11.1.2015 kl. 21:07]

Sennilega mistúlkun á orðum þínum, kæri Valdimar. Og góð þessi greining á lygatækni múslimanna. Það er akkúrat svona sem mér hefur fundist múslimir vera í tilsvörum þau ár sem ég kynntist þeim nokkuð vel í Danmörku árin 2006 - 2011 og svo eftir heimkomuna.

Flestir múslimir eru í mínum huga algjörlega ólesnir í ritum þeirra 'bóklærðu' og hafa aldrei lesið Kóraninn á Vestrænu tungumáli - en lesið einstaka vers á arabísku sem börn í moskum foreldra sinna. Ef þeir geta ekki svarað spurningum mínum eða annarra Vesturlandabúa, vísa þeir yfirleitt á ímám eða einhvern úr stjórn síns safnaðar. Þannig kemur maður oft að 'tómum kofanum', reyndar líkt og hjá mörgum kristnum eða öðrum trúarhópum.

[Predikarinn - Cacoethes scribendi , 12.1.2015 kl. 07:54]

Hér er merkilegur listi um hryðjuverk múslima síðan 11. september árásirnar á tvíburaturnana - allt í nafni friðsömu trúarinnar eins og mönnum er tamt að lýsa trú Múhameðs :

http://www.thereligionofpeace.com/pages/christianattacks.htm