Stjórnmálaskýrandi á haus

 

Sjaldan bregst Eiríki Bergmann, prófessor í stjórnmálafræði við Bifröst, dómgreindarleysið þegar hann leggur mat á þróun stjórnmála í Evrópu. Nú síðast fer hann mikinn um úrslitin í dönsku þingkosningunum og lýsir áhyggjum af uppgangi hægri öfgaflokka og uppgangi þjóðernishyggju eins og hann telur stórsigur Danska þjóðarflokksins vera til merkis um.

Flokkurinn hefur lengi krafist hertra aðgerða gegn hömlulausum straumi flóttamanna til Danmerkur og innflutningi fólks frá menningarsvæðum sem hafa sýnt það í verki að vilja ekki aðlagast dönsku samfélagi eða geta það hreinlega ekki. Stjórnvöld hafa flotið sofandi að feigðarósi í þessum efnum og er nú svo komið að sofandahátturinn hefur leitt mikinn og vaxandi vanda yfir danskt samfélag eins og raunar yfir nær öll lönd Vestur-Evrópu.

Almenningur í Danmörku lætur sér ekki segja sér það lengur að þessi þróun sé til farsældar. Fráleitar lygar um kosti fjölmenningarsamfélagsins ganga ekki lengur í danska kjósendur. Staðreyndirnar tala allar öðru máli og eru augljósar öllum nema fólki eins og Eiríki Bergmann sem er haldinn einhverri brjálæðislegri firru sem hefur kallast pólitísk rétthugsun. Þessi nátttröll þjóðfélagsumræðunnar neita að sjá það augljósa sem er einfaldlega að hugmyndafræði íslam á ekkert erindi inn í frjáls og þróuð vestrænt samfélög vegna forneskju, alræðislegra tilburða og ofstopa.

Allir flokkar hafa fundið fyrir vaxandi óþoli Dana gagnvart öfgum fylgjanda Múhammeðs. Þess vegna vildu allir flokkar koma til móts við yfirgnæfandi kröfu danskra kjósenda að stjórnvöld stemmi á að ósi áður en það verður hreinlega um seinan og allsherjar borgarastyrjöld skellur á. Lærðum stjórnmálafræðingi ætti ekki að vera skotaskuld úr því að sjá svo augljósa þróun fyrir. Eða hvað? Já eins og þeir sáu fyrir þróunina í arabíska vorinu !!! Eða ekki?

Úrslit kosninganna sýna að kjósendur treysta Danska þjóðarflokknum umfram aðra flokka að standa við kosningaloforðin hvað þetta varðar. Í stað þess að að fagna lýðræðinu og kostum þess velur Eiríkur að afflytja úrslítin sem eru þó öllum ljós. Þessi úrslit eru engin merki um öfgaþróun í dönsku samfélagi heldur merki um það að Danir hafa með yfirvegun og skynsemi komist að þeirri augljósu niðurstöðu að sú þróun sem hefur verið í gangi í Danmörku og raunar allri Evrópu er ekki til farsældar. Langt frá því og löngu tímabært að tala um það af viti en ekki með fráleitum pólitískum rétttrúnaði.

Það er ansi hart að Eiríkur skuli láta sér detta það í hug að gera almenna borgara í Danmörku að öfgamönnum. Það er einnig ansi hart að hann skuli flokka Danska Þjóðarflokkinn sem hægri öfgaflokk. Þetta er flokkurinn sem hafði á stefnuskrá sinni að auka á velferðarkerfið og þar af leiðandi að stækka hlut ríkisins í samfélaginu. Hvenær varð það áhersluatriði hægriflokka? Danski Þjóðarflokklurinn vill að Danir gangi úr Evrópusambandinu. Er það kannski það sem gerir flokkinn að öfga hægriflokki eins og t.d. Vinstri grænir teljast til hægri öfgaflokks hérlendis?

Það er raunar þægilegt að hafa menn eins og Eirík Bergmann I þjóðfélagsumræðunni. Án þess að leggja í það mikla vinnu er hægt að ganga að því vísu að sjónarmið andstæð hans eru ávalt vænlegust. Hann er stjórnmálaskýrandinn á haus.

 

 

Athugasemdir

[Jón Valur Jensson, 20.6.2015 kl. 23:44]

Góður Valdimar! 

[Hrólfur Þ Hraundal, 21.6.2015 kl. 07:15]

 Í að minnstakosti 30 ár hefur Danskur almenningur  og Sænskur  varað okkur við múslímum, því það væri erfitt að snúa víð þegar þeir væru orðnir of margir. Íslenskir pólitíkusar eru nákvæmlega sömu svefngenglarnir og þeir Sænsku og Dönsku og álit almennings að þessu leiti hefur ekki komið þeim við.

[Helga Kristjánsdóttir, 21.6.2015 kl. 08:21]

Sjálfur er hann allra mesti öfga fræðingur og er aufúsu gestur í fjölmiðli allra landsmanna.Væri ekki fyrir stefnu Esb, að útmá þjóðerni með stríðstólum sínum,sem er heimatilbúin matadormynt,væru þessir landráðamenn löngu orðnir áhrifalausir.Meðan þeir hafa sig í frammi,telja þeir sig varða í bak og fyrir,svo lögleg ríkisstjórn Íslands má sig vart hræra,við gefin loforð að ganga úr þessu apparati. Nú þurfa landsmenn að koma fram og hætta að hræðast þessa áróðursmeistara,þeir eru allstaðar að tapa,og tími til að fylgja flóttanum eftir.

[Jóhann Elíasson, 21.6.2015 kl. 09:50]

Svona er þetta nákvæmlega.  Það er kominn tími til að Eiríkur Bergmann og fleiri öfgamenn í þágu múslima, taki hausinn út úr rasss...... á sér og fari að horfa á heiminn eins og hann er.

[Jón Valur Jensson, 21.6.2015 kl. 10:19]

Vel mælt, Helga! Þú hefur sjaldan hitt naglann jafn vel á höfuðið!

Og Hrólfur vinur okkar hefur lög að mæla.

[Ólafur Ingi Hrólfsson, 21.6.2015 kl. 12:26]

Valdimar - ég mátti til með að þakka þér fyrir setningun SJALDAN BREGST HONUM  DÓMGREINDARLEYSIÐ  -- þetta er snilld.

[Snorri Hansson, 21.6.2015 kl. 13:21]

Aðalstefnumál  allra þessara nýju stjórnmálaflokka  í löndum ESB fyrir utan að vera með efasemdir um veru þjóðar sinnar í sambandinu er :

Að hafa eigin stjórn á innflytjendamálum.  Ukip í Bretlandi vill t.d. taka up reglur  Ástrala, sem eru alls ekki  á neinn hátt á kostnað litarháttar eða trúar. Þar er miðað við hvort umsóknaraðilinn hafi eitthvað fram að færa. (Dugnað,menntun, heiðarleika ).

Það sem Danir eiga eftir að reka sig á er að þeir geta sáralitlu breitt í sínum málum. Þeir eru ofurseldir regluverki  og ósveigjaleika ESB.  Það er verið að bræða þessar þjóðir saman í eina, hægt en ákveðið.  

[Heimir Lárusson Fjeldsted, 21.6.2015 kl. 13:53]

Valdimar alltaf góður 

[Egill Þór (IP-tala skráð) 21.6.2015 kl. 15:09]

Þetta er frábær pistill, Valdimar .... takk!

[Jón Þórhallsson, 21.6.2015 kl. 15:14]

Ég legg til að fólk lesi frekar um SÁTTMÁLSÖRKINA Í NÝJA-TESTAMENNTINU MÁLGAGNI KRISTINNA MANNA: Opb. 11.19.

http://thjodarskutan.blog.is/blog/gudspekifelag_s/#entry-1304253

-------------------------------------------------------------------------------

En hafni öllum flokkum

sem að gætu tengst múslimum með einhverjum hætti:

http://www.t24.is/?p=5993

http://www.mbl.is/frettir/innlent/2013/09/19/bygging_mosku_samthykkt/

[Jón Þórhallsson, 21.6.2015 kl. 18:47]

Hvað segir Valdimar um það; getur verið að reykvíkingar séu komnir svörtu-megin á skák-borð lífsins með þessarri samþykkt?

http://www.mbl.is/frettir/innlent/2013/09/19/

bygging_mosku_samthykkt/

[Valdimar H Jóhannesson, 21.6.2015 kl. 21:30]

Sæll Jón

Það er nokkuð ljóst að ég tel að samþykki á úthlutun lóðar til Félags múslíma hafa verið alvarlegt feilspor borgarstjórnar Reykjavíkur og þeim lítt til sóma sem stóðu að því óheillaverki. Ég lít á það sem tilræði við hagsmuni þjóðarinnar.  Mörg ill verk Dags og Jón Gnarr má eflaust lagfæra seinna, kannski með ærnum tilkostnaði, en fyrir þetta illvirki verður kannski aldrei unnt að bæta.

Þeir sem véla um hagsmunamál samborgara sinna og landsins síns ber að skoða vel allar hliðar á málum. Það hefur ljóslega ekki verið gert í þessu máli og ákvörðun eflaust ekkert grunduð. Ég vil snúa við því sem sagt var í eina tíð um Hvamm-Sturlu : “Engi maður frýr þér vits en meir ertu grunaður um græzku.” Enginn ætlar þeim Jóni Gnarr eða Degi illvilja eða græsku í þessu máli en þá verður líka að frýja þá vits. Það er mergurinn málsins. Kunnáttan er ekki fyrir hendi til að fjalla um málið en ákvörðun samt tekin. Það bendir til greinarskorts.

Þeir vita ljóslega ekki hvað moska er. Hérna eru upplýsingar um það:

http://valdimarjohannesson.blog.is/blog/valdimarjohannesson/entry/1591628/