Óþol gegn staðreyndum Dogulas Murray

Mikið er fróðlegt að lesa skrif eins og þau sem birtust í dag í Stundinni. Greininni, sem heitir Þjóðernissinnar standa að fyrirlestri andstæðíngs múslíma í Hörpu, er beint gegn fyrirlestri Douglas Murray í Hörpu nk fimmtudagskvöld. Greinin er ósmekkleg en byggist auk þess á rangfærslum. Ljóst er af skrifunum, að Stundin en andvíg því að þessi fyrirlestur verði haldinn.

Fyrirlestur Douglas Murray heitir The Strange Death of Europe eins og bók hans, sem var að koma út í íslenskri þýðingu á vegum Tjáningarfrelsins. Fyrirlesturinn, eins og bókin, fjallar um ógnvænlega þróun í Evrópu sem ræður ekki við að takast á við nánast stjórnlausan innflutning fólks úr afar ólíkri menningu, sem ekki nær að aðlagast að gildum Evópu.

Murray hefur kynnt sér þetta efni út í hörgul í tvo áratugi og hefur því yfirburðarstöðu til að fjalla um það á grundvelli rökhyggju og staðreynda. Hann hefur horft á Evrópu taka svo stórstígum breytingum að glannalegustu spádómar fortíðar um þá þróun sem var í vændum reyndust algjörlega vanmeta þær breytingar sem síðan urðu. Það er einmitt rökföst framsetning staðreynda sem fer svo mjög fyrir brjóstið á aðilum eins og Stundinni. Stundin hefur mikið óþol fyrir staðreyndum sem eru henni ekki þóknanlegar.

Í greininni er m.a. vitnað til þess að fjölmiðillinn hafi leitað skýringa hjá Svanhildi Konráðsdóttur, forstjóra Hörpu, afhverju Harpan leyfi slíkan viðburð sem þennan eins og að Harpan þurfi að gefa einhverja skýringu á því að sjónarmið sem falla ekki í kramið hjá fjölmiðlinum fái að koma fram. Hann er á móti því að aðrir fái að njóta tjáningarfrelsis sem hann krefst þó fyrir sjálfan sig. Fjölmiðillinn telur að aðeins skoðanir honum þóknanlegar séu leyfilegar.

Hann telur það ljóð í fari manna að vera föðurlandsvinir, þjóðernissinnar og setur okkur sem stöndum að þessu í skammarkrókinn fyrir að vera slíkir menn eins og t.d. Jónas Hallgrímsson, Jón Sigurðsson, Einar Benediktsson, Hannes Hafstein, Jóhannes úr Kötlum, Guðmundur Böðvarsson og Jón Magnússon, fyrsti forsætisráðherra þjóðarinnar sem átti kannski meiri þátt í því en nokkur annar að sambandslögin komust á en þau voru síðan forsendan fyrir því að Ísland varð sjálfstætt lýðveldi árið 1944. Jón Magnússon var ömmubróðir minn og ég verð að viðurkenna að mér er frekar hlýtt til hans enda enginn núlifandi maður skyldari honum en ég. Jón var barnlaus.

Ekki eru tök á því að elta ólar við allar rangfærslur og smekkleysu fjölmiðilsins. Smá sýnishorn: Stundin segir Murray leggja mikla áherslu á húðlit og kristin trúarbrögð í lýsingum sínum á Evrópubúum." Þetta er einfaldlega ekki rétt. Sjálfur telur hann sig vera trúleysingja en telur að hann tilheyri menningarlega séð kristni. Húðlitur hefur ekkert vægi hjá honum né kynhneigð enda er hann sjálfur yfirlýstur hommi.

Tjáningarfrelsið stendur að fyrirlestri Murray eins og bókinni, - ekki Vakur. Aðkoma Vakurs byggist að því að Sigurfreyr hjá Vakri var svo elskulegur að útbúa sérstaka FB-síðu um komu Murray og útgáfu bókarinnar til að aðstoða aðstandendur Tjáningarfrelsisins þegar stóð á þeim að klára verkið en Sigurfreyr er meistari á þessu sviði.

Þá er ekki rétt að Tjáningarfrelsið hafi staðið að fyrirlestri Roberts Spencers og Christine Williams. Það var alfarið í höndum Vakurs þó að einstaklingar innan fyrri hópsins hafi hlaupið undir bagga. Hins vegar stóð Tjáningarfrelsið alfarið að útgáfu bókar Hege Storhaug og fyrirlesturs hennar hér.

Upplýsingar um fyrirlesturinn sem Stundin vill stöðva eru hérna:  http://douglasmurray.vakur.is/

 

 

Athugasemdir

[Jón Magnússon, 21.5.2019 kl. 11:49]

Stundin vill bara að tjáningarfrelsi sé fyrir Stundina en ekki aðra. Nokkuð skondið að fjölmiðill eins og Stundin, sem er búið að standa í réttarhöldum gegn Glitni til að fá að birta stolin skjöl úr bankanum skuli amast við að aðrir hafi brot af því tjáningarfrelsi sem þeir áskilja sjálfum sér. Falleinkunn á Stundina

[Valdimar H Jóhannesson, 21.5.2019 kl. 13:15]

Undarlegt hvað stíllinn í skrifum Þjóðviljans sáluga. Hroki og stórar fullyrðingar án minnsta tillits til sannleikans. 

[Valdimar H Jóhannesson, 21.5.2019 kl. 13:18]

Þarna datt niður orðið líkist þ.e. hvað stíll Stundarinnar líkist málfarinu hjá Þjóðviljanum

[Hörður Þormar, 21.5.2019 kl. 15:56]

"Múslimskir innflytjendur á vesturlöndum eru tuskudúkkur rasískra feminista". Þetta segir arabískur sálfræðingur, fæddur í Ísrael.

Eins mætti segja að Palestínumenn séu tuskudúkkur Hatara og Palestínuvina á Íslandi:                  Ahmad Mansour Generation Allah und der Rassismus eines Großteils des linken Mainstreams               

[Valdimar Samúelsson, 21.5.2019 kl. 23:06]

Góð skrif Valdimar og góð áminning líka.

Ég hef oft spekúlerað í hvort einhver fróður maður gæti talið upp þá sem komu á þessu alþjóða-væðis-hugsun inn í þjóðarsálina og eða Alþingi og að heimta hermenn sem trúa aðeins á Íslam eða hermenn íslams. Þessi þjóð er gjörsamlega lömun hægramegin vegna þessara manna og kvenna. 

[Merry (IP-tala skráð) 23.5.2019 kl. 18:27]

Douglas Murray er rosalega góður..