Hvað kostar að missa unga fólkið og hæfa fólkið?

Við Íslendingar erum í þeirri öfundsverðu aðstöðu meðal vestrænna þjóða að aldursdreifing þjóðarinnar er heilbrigð. Fæðingartíðnin hefur verið ofar þeim mörkum sem þarf til til þess að viðhalda íbúafjölda landsins og tryggja endurnýjun þjóðarinnar. Svo það megi vera þarf 2.11 fæðingar á hverja konu að meðaltali. Hér mun fæðingartíðnin hafa verið 2.14  árið 2008. Samt hefur meðalaldur þjóðarinnar verið að aukast vegna aukna aukinnar lífslengdar. Alla 20. öldina var ungt, framsækið og öflugt samfélag á Íslandi vegna þess að fæðingartíðnin var ennþá mjög há og ungbarnadauði síminnkandi og afar lágur.

Svona er ástandið ekki víðast á vesturlöndum. Fæðingarhlutfallið er nær alls staðar fallið langt undir viðhaldsþörfinni. Sum þeirra horfa fram til þess að velferðarkerfi þeirra muni hrynja til grunna. Þar sem fæðingartíðnin er rétt yfir 1 að meðaltali á konu mun íbúafjöldinn helmingast á ca 35 ára fresti eins og t.d. á  Spáni nema fyrir tilverknað innflytjenda. Öll þess lönd standa frammi fyrir þeim vanda að sífelt færri munu þurfa að standa undir velferðarkerfinu. Aldraðir íbúar Evrópu mun verða sívaxandi vandamál og ómenntaðir, atvinnulausir innflytjendur.

Þessar þjóðir munu í vaxandi mæli leggja net sín fyrir ungt og hæft fólk m.a. hér. Því mun í vaxandi mæli standa allar dyr opnar. Þetta er fólkið sem við megum alls ekki missa úr landi því að í hæfileikum þeirra og menntum liggja möguleikar okkar sem þjóðar til að vaxa og dafna til betra mannlífs, - betri lífskjara.

M.a. með þetta í huga er hörmulegt að fylgjast með vandræðagangi stjórnvalda við að taka á skuldavanda heimilanna. Hér varð algjör forsendubrestur í öllum húsnæðislánum fyrir tveimur árum. Þá varð strax ljóst að fasteignaverð myndi hrynja um leið og verðtryggð lán og gengistryggð lán færu langt upp úr þakinu á fasteignum. Fyrir tugþúsundum heimila lág augljóslega gjaldþrot. Lánastofnanir áttu ekki að velkjast í neinum vafa um að mjög stór hluti þessara lána væri glataður og þeim mun fleiri sem fasteignaverð hryndi meira.

Það hefði átt að vera forgangsverkefni lánastofnana og ríkisvalds að stöðva þennan óheppilega spíral niður á við. Það var og er aðeins unnt að gera með almennum ráðstöfunum, niðurfærslu lánanna og sanngjörnum vöxtum. Aðilum á að vera  ljóst að sókn almennings í gengistryggðu lánin var flótti frá íslensku vaxtarokri sem hvergi í heiminum þekkist viðlíka.

Ef þetta verður ekki leiðrétt missum við frá okkar unga hæfa fólkið. Þeim standa allar dyr opnar. Vill einhver kannski reikna út hvað það kostaði okkur í hundruðum eða þúsundum milljörðum að missa hæfasta fólkið sem sættir sig ekki lengur við vandræðaganginn hérna.

 Þegar unga, kraftmikla fólkið fer, fellur einnig fæðingartíðnin og fyrr en varir munu lífskjörin og lífsgæðin falla.

Auðkennistala mín á kjörseðlinum er  8276

Athugasemdir

[Ómar Geirsson, 11.11.2010 kl. 15:12]

Takk fyrir góða færslu Valdimar.

Þessi kostnaður er ekki mældur í hundruðum eða þúsundum milljörðum, stærð hans er fastinn sem tjáir óendanleikann, því að missa unga fólkið er endalokin.

Kveðja að austan.

[Valdimar H Jóhannesson, 11.11.2010 kl. 15:47]

Ómar

það er gott að fá viðurkenningu hjá góðum pistlahöfundi. Pistillinn þinn í dag er frábær. Ég bendi lesendu bloggsíðunnar á að lesa hann: http://omargeirsson.blog.is/blog/omargeirsson/entry/1115239/

[Jón Gunnar Bjarkan, 18.11.2010 kl. 14:55]

Það er nú reyndar ekkert bara ESB sem sækist eftir þessu fólki. Miklu meira hefur farið fyrir Kanadamönnum og Norðmönnum sem koma hingað til lands og "vantar" aðeins fólk menntað fólk með sérþekkingu. Þetta er fólk sem íslendingar hafa kostað milljónir til að mennta, og núna þegar þau eiga að fara borga skatta, koma Kanadamenn og Noregur og bjóða þeim gull og græna skóga.

Það er alveg ljóst að í þessu felst mikið tekjutap fyrir ríkissjóð og vil ég til dæmis benda á að landflótti er þegar hafinn hér á landi. Þetta fyrirbæri er mjög þekkt til dæmis í færeyjum þar sem mikill skortur er á ungu kvenfólki sem flytur til danmerkur, bretlands, meginlandsins eða bandaríkjann og hefur ekki snúið aftur. 

Vandamál sem íslendingar hafa mjög svo otað að Evrópu um litla fjölgun og aukna byrði á ríkissjóð mun kannski rætast hérna mun fljótar en þeir gerðu sér grein fyrir. 

[Valdimar H Jóhannesson, 18.11.2010 kl. 15:15]

Jón Gunnar

 við erum alveg sammála. Kanadamenn búa einnig við mikla fækkun innfæddra Kanadamanna en Bandaíkin hafa enn nokkuð heilbrigða fæðíngartölu. Þessu hefur verið lýst svo að þessi þjóðlönd myndu líta út eins og eftir niftendasprengju eða dráppestir eftir nokkra árartugi, þar sem húsin og mannvirkin standa auð nema fyrir innstreymi innflytjenda sem margir koma með 7. aldar forstokkaðar trúarskoðanir en enga færni til þess að takast á við nútímalíf.