Þrjátíu þúsund sinnum nei

Íslendingar standa nú andspænis ógn sem fáir gera sér grein fyrir. Islam er að gera innrás í landið. Hörmungar fylgja alls staðar Jihad, „heilagri“ skyldu múselmanna til þess að vinna heiminn undir Islam,  - undir Shariah lög.  Öllum ráðum er beitt  m.a. ofsafullu ofbeldi ef því er að skipta enda er talið að 2-300 milljónir manna hafi fallið fyrir stríðsmönnum Allah og Múhammeds síðustu 14 aldirnar. Ofbeldið á Vesturlöndum felst m.a. í ofsafengum viðbrögðum múslíma við hátterni, sem telst eðlilegt í frjálsum samfélögum og tengist m.a. almennum mannréttindum eins og prentfrelsi og trúfrelsi. Unnin eru hermdarverk gegn þeim, sem setja sig upp á móti islamsvæðingunni, til þess að hræða sem flesta frá því að hafa uppi eðlilegar varnir fyrir samfélög sín. Jihadistar hafa notið nytsamra sakleysingja við að þagga niður í þeim, sem grípa til varna gegn islamsvæðingu heimsins, með sögufölsunum, óhróðri og vanþekkingu. 

Það er engin tilviljun að múselmönnum hefur fjölgað gífurlega hér á landi síðustu ár eins og hvarvetna í Evrópu. Unnið er markvisst að því að ná Evrópu undir Islam án umtalsverðrar andstöðu. Sumir gera jafnvel ráð fyrir að Evrópa verði orðin múslímskur heimshluti fyrir lok aldarinnar.  Múselmenn voru nær engir utan Balkanskagans fyrir nokkrum áratugum. Nú eru þeir tugir milljóna. Hérlendis eru þeir nú taldir vera 1500 talsins en voru örfáir fyrir nokkrum árum.

Þetta kann að þykja ekki mikill fjöldi en ef múselmönnum fjölgar hér um 30% á ári ( þeim hefur fjölgað miklu hraðar undanfarinn áratug) þá verða þeir orðnir um 20 þúsund talsins eftir áratug en 100 þúsund eftir hálfan annan áratug og meirihluti íbúa Íslands eftir tvo áratugi.  Fyrr en varir tortímist íslensk menning. Í staðinn yrði hér komið á frumstæðu miðaldar- og trúarofstækissamfélagi eins og þau eru í hinum íslamska heimi.

Þetta kunna að þykja fáránlega ýkjur, en þannig fór fyrir vöggu vestrænnar menningar og kristninnar þar sem nú heitir Miðausturlönd, Persíu og Indlandsskaganum. Þannig fór fyrir Líbanon á seinni hluta nýliðinnar aldar. Þó að svona skuggaleg spá gengi ekki eftir þá gæti hér skapast afar spennt og leiðinlegt samfélag ef múslímar halda áfram að streyma að og halda í forstokkaða lífsskoðun sína. Hversu hratt múslímum mun fjölga á Íslandi mun ráðast af hvernig við að bregðumst við þessarri ógn. Afneitun á raunverulegri hættu ber vott um mikið þekkingarleysi og einfeldni.

Hvarvetna í Evrópu hefur aðflutningur múslíma valdið vaxandi vandamálum. Stór hluti múslíma aðlagast ekki löndunum sem þeir flytjast til eins og fólk af öðrum trúarbrögðum hefur gert. Þetta er ekki sök heimamanna eins og stundum heyrist hjá fákunnandi fólki heldur stafar fyrst og fremst af kröfu margra forystumanna Islam um að múslímar í Evrópu lagi sig ekki að siðum gestgjafanna heldur að gestgjafarnir lagi sig að siðum Islam. Múslími, sem lagar sig að vestrænum gildum, er ekki sannur múslími segja margir  imamarnir, æðstuprestarnir. Þeir eru forystumenn jafnt  á hinu veraldlega sviði sem hinu trúarlega enda engin skil á milli. Um alla Evrópu eru að spretta upp sífellt hættulegri íslamskir öfgamenn ekki síst af þriðju og fjórðu kynslóð innflytjenda, oft vellaunaðir og hámenntaðir í evrópskum háskólum.

Almenningur í Evrópu er að vakna upp við vondan draum. Hugmyndaheimur múslíma, sem eru aldir upp við islamska innrætingu, er svo gjörsamlega frábrugðinn vestrænum gildum að flestir á Vesturlöndum átta sig ekki á honum og eru skýringar á því. Samkvæmt Kóraninum er jihad (heillagt stríð) skylda sérhvers múslíma til að leggja heiminn undir Islam og eru öll ráð til þess ekki aðeins leyfileg heldur skylda. Þar á meðal eru múslímskar lygar og blekkingar,-svokallað taqyyia. Stór blekking er að kalla Islam trúarbrögð friðar meðan staðreyndin er sú að landamæri Islam hafa verið alblóðug í 14 aldir. Þau rit sem Islam byggjast á, þ.e. Kóraninn, viðurkenndar hadíðsbækur ( rit um orð og athafnir Múhammeds) og opinber ævisaga Múhammeds (Sirah Rasul Allah) gera aðeins ráð fyrir friði þar sem Islam ræður ríkjum og heitir þar  Dar el Salaam (Dar el Islam), hús friðarins.

Dar el Harb, - hús stríðsins,  heita svæðin þar sem „úrhrök jarðar“ ráða ríkjum, svokallaðir kuffar, villutrúarmenn og trúleysingjar, þ.e. þeir sem víkja af leið Allah en það eru allir sem ekki eru rétttrúaðir múslímar. Í húsi stríðsins, m.a. hérlendis,  leyfist jihadistum , stríðsmönnum Allah, öll meðul til að ná settu marki en auðvitað er ráðlegast að ná markmiðunum án blóðsúthellinga nema það sé vænlegt til árangurs og styrkur múslíma nægur á svæðinu til þess að vinna örugglega í slíkum átökum. Taqyyia, múslímskar lygar, er gott tæki til að rugla óvininn í ríminu, þ.e.  okkur, sem múselmennirnar kalla kuffar og er eitt argasta skammaryrði þeirra.

Ofbeldið er notað sem tæki. Glórulaus og blóðug uppþot múslíma eru oftast þrælskipulögð en ekki sprottin af „réttlátri“ reiði. Fólk sem býr í íslömsku umhverfi reynir að komast hjá því að reita ofstækismennina til reiði og lætur undan kröfum þeirra. Til þess er leikurinn gerður.

Ofangreind rit Islam eru löðrandi í ofbeldi og fyrirmælum um ofbeldi gagnvart kuffar (eintala kafir) og konum. Nýlega sá ég fullyrt að boð um ofbeldi séu endurtekin 30.000 sinnum í Kóranium , hadíðunum og Sirah. Viðurkenndar hadíð-bækur eru nokkrar og sama boðunin um ofbeldi talin oftar  en einu sinni en fyrr má nú gagn gera til þess að kúga heiminn undir Islam. Engu má breyta í Kóraninum enda sagður orðréttur boðskapur Allah sjálfs til Múhammeds í gegnum erkiengilinn Gabríel. Og Múhammed er hinn eina sanna og fullkomna fyrirmynd allra Múslima. Múhammed var skelfilegri maður en orð frá lýst samkvæmt Sirah og hadíðunum, helsta grundvelli Islam með Kóraninum.

Múslímar á Íslandi sækja nú stíft að fá að byggja mosku til að hefja boðun hér á þessari fáránlegu lífssýn. Wahhab- múslimar í Saudi Arabíur hafa þegar keypt húsnæði hér fyrir madrössu, kóranskóla, til að innræta hér múslinskt ungviði til að það aðlagist ekki að íslenskum gildum og siðum. Wahhab-istar hafa aðgang að olíuauði Saudanna, sem kaupa sér frið og fá þannig að halda völdum.  Þeir standa að baki byggingu og rekstri langflestra moska og madrassa á Vesturlöndum og víðar. Þeir leggja áherslu á ströngustu gildi Islam eins og þau voru boðuð og iðkuð í upphafi. Þeir eru islamistar og boða islamisma eins og flest samtök múslíma gera,  sérstaklega þau sem eru sprottin frá Múslímska bræðralaginu og hafa komið að stofnun samtaka eins Al Qaeda, Hezbollah, Hamas, IHH, PLO og  Al Fatah, en öfgasamtök múslíma eru óteljandi.

Leitast  verður við að snúa Íslendingum til Islam.  Aðallega verður leitað lags við sakamenn og annað undirmálsfólk eins og gert er víðast. Fyrirstaðan þar er minnst og hugmyndafræði Islam aðlaðandi þessu fólki. Ungt fólk í uppreisnarskapi er einnig vænlegur markhópur  Nemendur í madrössum heita talibanar. Þeir eru heilaþvegnir með hatursboðskap Islam. Ef vel tekst til mun hluti af þeim gerast mujahedin, - stríðsmenn Allah og eru tilbúnir til að berjast og  fórna lífinu fyrir Jihad, - fyrir Allah. Þeir lýsa því sjálfir yfir að tilgangurinn sé að eyðileggja vestrænt samfélag innan frá enda samræmast vestræn mannréttindi og lýðræði ekki Islam.

Augu fjölda margra eru að opnast fyrir því að Islam er mikil ógn við vestrænt samfélag og raunar heiminn allan og miklu hættulegri en bolsjevismi og nasismi voru á síðustu öld. Ísland hefur hingað til sloppið að mestu við þessa ógn en það mun ekki verða lengi úr þessu. Stofnun madrössu og bygging mosku mun mjög flýta fyrir innrás hinna myrku afla.  Krafan, sem við gerum til okkar sjálfra um umburðarlyndi, heftir okkur í því að bregast við með þeim hætti sem dugir, sem er að banna starfsemi Islam hér á landi.

Ákvæði stjórnarskrárinnar um trúfrelsi er okkur ekki fjötur um fót. Trúfrelsið er skilyrt. Greinin hljóðar svo:  " Allir eiga rétt á að stofna trúfélög og iðka trú sína í samræmi við sannfæringu hvers og eins. Þó má ekki kenna eða fremja neitt sem er gagnstætt góðu siðferði eða allsherjarreglu."

Á grundvelli þessarar skilyrðingar eru hægt að halda því fram að starfsræksla mosku og madrössu sé ekki leyfileg á Íslandi ef  litið er til þess hvernig vinnubrögð eru ástunduð í moskum og madrössum víðast og þá ekki síst á Vesturlöndum. Því er haldið fram að 80% af forystumönnum múslíma á Vesturlöndum flokkist undir öfgafulla islamista enda séu allir sem eru trúir Islam óhjákvæmilega öfgafullir og algjörlega upp á kant við vestræn gildi um mannréttindi og lýðræði.

Þá er því haldið fram með góðum rökum að að Islam sé ekki trúarbrögð fyrst og fremst heldur stórhættuleg heimsvaldastefna. Félagafrelsið var ekki hindrun í því að banna starfsemi Vítisengla hér landi.  Við myndum banna starfsemi nasistaflokks, sem hefði Mein Kampf að leiðarljósi. Starfsemi Islam ætti að banna á sömu forsendum og starfsemi nazista væri bönnuð. Islam er af sama meiði og nazismi og kommúnismi þar sem réttindi einstaklingsins er fyrir borð borin og er fórnað fyrir markmið rétttrúnaðarins. Íblöndun trúarinnar inn í alræðisstefnuna gerir Islam hættulegra en nazismann og kommúnismann enda 14 alda hörmungar þegar að baki og því miður miklar hörmungar framundan.

 Á Vesturlöndum kærir enginn sig um það að vera í stríði gegn Islam en við höfum ekki valið. Forvígismenn Íslam hafa marg lýst yfir stríði og hafa staðið við það. Við erum í stríði hvort sem okkur líkar það betur eða verr og höfum verið í 14 aldir með hléum. Stríðið hefur verið magnast af hállfu islamista síðustu 30 árin með vaxandi styrk þeirra.  Lítið gagn í því að láta sem ekkert sé.

Ég segi þrjátíuþúsund sinnum nei við byggingu mosku og starfrækslu madrössu hér á landi meðan múslímar almennt snúa ekki baki við hreinu Islam eins og leiðtogar múslíma hafa ástundað. Nei-in mín eru jafnmörg og haturs- og ofbeldisboð Islam birtast í bókum þeirra. Framtíð íslenskrar og vestrænnar menningar er í húfi. Lágmarkskrafan er að náið verði fylgst með starfsemi múslíma hér og hvort boðskapurinn samrýmist íslenskum lögum og þá ekki ekki síst hegningarlögum.

Við þurfum að standa með þeim hundruðum milljóna múslíma sem þjást vegna gjörræðis Islam og er haldið í heljargreipum andstyggilegs hugmyndarheims. Þetta fólk þarf að fá að njóta sín eins og allir íbúar heimsins. Venjulegur múslími er ekki óvinur okkar. Islam á ekki að vera ósnertanlegt frekar en kommúnismi, nasismi eða fasismi enda af sama toga. Látum ekki hræða okkar með ofbeldi eða upphrópunum einfeldinga til þess að þegja. Stöndum vörð um málfrelsið. Stöndum vörð um íslenskt samfélag, íslenska menningu, sem er okkar dýrmætasta eign.

  

Athugasemdir

[Vilhjálmur Stefánsson, 10.5.2011 kl. 23:43]

ég vann í þrjú ár samfelt meðal múslima og það er enginn leikur,ég vonaði í leigstu lög að þeir næðu aldrei fótfestu hér á Landi.það er komnar tvær útgáfur af múslimum hér og það er þörf á að herða eftirlit með þeim. Við verðum að standa vörð um okkar arfleið.

[Svanur Gísli Þorkelsson, 11.5.2011 kl. 00:43]

Valdimar. Niðrandi orðfæri þitt eitt gerir grein þína ómerka. Þú getur ekki ætlast til að fólk taki þig alvarlega með því að nota uppnefni á borð við þýska orðið "múselmenn" sem er og verður ávalt náið tengt nasisma og útrýmingarbúðum þeirra. -

Níðgreinar af þessu tagi hafa venjulega sömu áhrif. Þær fá aldrei efnislega umfjöllun. Til þess eru villurnar sem fram koma of margar og sumar of fáránlegar til að einhver telji þær þess virði að svara þeim eða leiðrétta. Útkoman er að  höfundar þeirra verða úthrópaðir fyrir fordóma og misrétti.

[Jón Steinar Ragnarsson, 11.5.2011 kl. 01:18]

Fegnastur yrði ég þeim degi er öllum trúarbrögðum yrði útrýmt. Hvort sem einhver guð er til eður ei, þá þarf enga milliliði þar.

Kaþólskan steypti mannkyni í 1500 ára niðurlægingu, fáfræði, fátækt, kúgun og ofbeldi, sem enn hefur ekki verið toppað. Múslimir eru 600 árum á eftir, en ég hef enga þolinmæði til að bíða í 600 ár eftir því að þeir taki sönsum.

Svanur, að vísu er greinin svolítið í hræðsluáróðursstíl, en flest er rétt sem fram kemur um þessa vitfirringu. Við eigum að vera vaxnir upp úr þessu.  Hvaða hugmyndafræði, sem er, sem hefur heimsyfirráð að markmiði er mannkyni hættuleg.  Þú hefur búið í Bretlandi og séð þessa vitleysu þar með eigin augum væntanlega. 

Hefur þú tekið trúarofstækið skrefinu ofar og gert political correctness að þínum trúarbrellum?  

Hér er hvergi komið nálægt fordómum og misrétti enda hefur þessi orðræða ekert að gera með fólk í sjálfu sér heldur vitfirringu sem er keyrð áfram með ógn og ofstæki. Það er ekkert sem mælir því bót.

[Jón Steinar Ragnarsson, 11.5.2011 kl. 01:24]

Fólk í múslimalöndum á engan valkost. Það má ekki vera trúlaust og það má ekki skipta um trúarbrögð. Við því liggur dauðarefsing. Það liggur raunar dauðarefsing án dóms og laga við öllum andskotanum í þessari trufluðu hugsjón. Hugsjón, sem er ofar lögum að mati þeirra sem hana reka.

Íslam verður ekki troðið ofan í kokið á mér og ég er sannfærður um að 99% Íslendinga er sama sinnis. Umburðalyndi er heldur ekkert absolútt hugtak. Þeir sem hafa ekkert umburðarlyndi eiga það ekki skilið. Islam á ekkert umburðarlyndi, þegar kemur að trúarbrögðunum. Ekkert kompromí. Það eru orð spámannsins, sem líklega var aldrei til frekar en meintur Jesús guðspjallanna.

[Sigurður Kristján Hjaltestesd (IP-tala skráð) 11.5.2011 kl. 09:58]

Þetta finnst mér alveg komin tími á að fólk kynni sér og lesi. Það er ekkert í þesari grein sem er hægt að flokka sem níð, en Svanur er tilbúin að falla í þá gryfju sem algengust er hjá fólki sem ekki vill heyra og hlusta á sannleikann og úthrópa þá strax þá sem það gera sem menn með fordóma og jafnvel kynþáttahatur. Ef við viljum ekki sjá á eftir okkar meningu og mannréttindum, þá einfaldlega verður að stöðva þessa innrás inn í okkar menningarheim. Ekkert í þeirra lífsgildum og trú, samlagast okkar menningu. Í úthverfi í Svíþjóð, nánar Stokkhólm, er ástandið orðið svo slæmt, að innfæddir (svíar) þora ekki lengur að draga sinn þjóðfána á hún af hættu við áreiti og ofbeldi frá þessu fólki. Sama er að segja frá Danmörku. Lögreglan þar, hún veigrar sé við að fara inní sum hverfin þar sem þetta fólk er búið að koma sér í meirihluta. Er þetta það sem við viljum fá...????  Eigum við alltaf að geta sagt, "Nei, þetta getur ekki gerst á Íslandi"  Það er gallinn við þetta allt saman, að við erum með of mikið af fólki sem talar og segir ákkurat þetta. Þetta fólk stendur í þeirri trú að það sé að finna upp hjólið jafnvel. Ég hugsa að Svanur segi við mig að það sé lygi, að á hverjum einasta Föstudegi í Saudi Arabíu, bæði í Jedda og Mekka, er fólk dregið niður á torg, ( af útlendingum kallað chopp chopp center) aflimað, grýtt og hálshöggvið og allt í nafni trúarinnar. Þar safnast múgirnn saman og hrópar á Alla hvað hann er æðislegur. Þar sem litið er á kvenfók sem hluta af húsdýrum. Þar sem eiginmaðurinn má koma fram við konur sínar og dætur eins og honum sýnsit og með slíku ofbeldi að sumt fólk á bágt með að trúa því að menn geri svoleiðis lagað.  Vesturlönd þora ekki að yrða á þessa háu herra um þetta mál af ótta við ofbeldi frá múslimum á vesturlöndum.  Þeir sem aðhylllast þessari trú og finnst hún svona dásamleg, geta bara farið þangað þar sem hún er yðkuð af þessum ofsa og lifað á þeirra ártali sem er í dag 1432, en næstu áramót eru að kveldi þann 26.nóv. nk. En, nei, það er svo merkilegt þegar kemur að þeirri umræðu, þá vill þetta fólk búa á vesturlöndum og geta notfært sér vetræn gildi og þjónustu, sem þetta fólk gerir í þvílíkum mæli að horfir til vandræða hjá mörgum vestur-evrópu þjóðum. Þar sem ég hef búið og starfað þarna í austur-mið löndum, veit ég alveg fullkomlega um hvað ég er að segja. Það var mjög leiðinlegt fyrir marga af þessum öfga-múslimum, en þeir hneigjast alltaf til þess, að Ísland skyldi ekki vera komið á kort með moskur. Nú virðist það vera að komst á borðið, því miður, og við munum byrja að sjá ÖLL þau sömu vandamál sem herjað hafa á Noreg, Svíþjóð og Danmörku. Aðrir sem reyna halda öðru fram eru greinilega þá frá árinu 1432. Ég efast ekki um eitt andartak, að eftir þetta komment frá mér, mun fullt af fólki telja mig vera að ljúga, með kynþáttfordóma og að svona hlutir gætu ALDREI gerst á Íslandi. Þá verður bara svo að vera.

Takk fyrir mig góð grein Valdimar.

Kveðja Sigurður.

[doctore (IP-tala skráð) 11.5.2011 kl. 11:30]

Trúarbrögð eru helsta vandamál mannkyns;  Versta trúin er KrIstlam; Þekkist einnig sem kristni, gyðingdómur og íslam.

Þetta eru stjórntæki til að ógna og tæla einfalda...  öll trúarbrögð eru árás á mannkyn.

So, þið eruð bara önnur hlið á KrIstlam pening

[Valdimar H Jóhannesson, 11.5.2011 kl. 11:49]

Vilhjálmur

þakka þér fyrir stuðninginn. Ég hvet þig til þess að lýsa reynslu þinni. Íslendingar treysta betur reynslusögum landa sinna en annarra.

[Valdimar H Jóhannesson, 11.5.2011 kl. 11:55]

Svanur

 þú ert með rangar staðhæfingar um nafnið múselmaður. Þetta er kannski ekki algengt í málinu núna vegna þess hvað nútíma íslenska bragast mikið af ensku en fyrr á tímum var þetta orð notað meira eins og í mörgum tungumálum Evrópu. Ég notaði orðin múslími og múselmaður til skiptis til að forðast ofnotkun eins orð sem er leiðinlegt í texta.

Það er rangt hjá þér einnig að ég líti niður á múslíma og taldi niðrandi um þá. Þeir eru fórnarlömb aðstæðna sinna, sem er að hafa alist upp við ofstækið í Íslam.

[Valdimar H Jóhannesson, 11.5.2011 kl. 11:57]

Jón Steinar

þakka þér fyrir að leggja þessar ágætu athugasemdir inn í umræðuna. Þessi mál þurfa umræðu og ekkert nauðsynlegt að allir séu sammála um alla þætti málsins. En málefnið græðir á umfjöllun.

[Valdimar H Jóhannesson, 11.5.2011 kl. 11:59]

Siguður Kristján

kærar þakkir fyrir góðar undirtektir. Ég hvet þig til þess að láta meira til þíln taka þaþr sem þú hefur augljóslega mikið erindi inn í þetta umræðuefni.

[Svanur Gísli Þorkelsson, 11.5.2011 kl. 16:35]

Um orðið muselmann úr Wikipedia Þér til uppfræðingar Valdimar. Orðið var ekki aðeins notað um múslíma heldur líka gyðinga. Sjá þessa grein hér.

Þú vilt meina múslímum á Íslandi að byggja sér mosku. Það er greinileg mismunun sem felur í sér trúarfordóma. Slík mismunun er bönuð með lögum á Íslandi og í blóra við gott siðferði og allsherjarreglu  eins og það er orðað í stjórnarskránni.

[Valdimar Samúelsson, 11.5.2011 kl. 20:32]

Ég tek undir hvert einasta orð Valdimars og segi eins og Stefán að ég hef líka unnið mikið í múslimaheiminum. Þeir eru öfgafullir og hættulegir ef þeir eru á annað borð virkir. Fylgjendur eru það af því að þeir fá bágt fyrir ef þeir sína ekki að þeir séu trúir málstaðnum. Múslímar eða músilmenn hafa trúar löggur sem hafa meiri völd en lögreglan þeir ýmist lemja menn til hlýðni eða dauða. Svo einfalt er það. aftökur voru ekki óalgengar á laugardögum svo ef einhver vill fara sem túristi til t.s. Arabíu þá kíkið á aftökutorgið. Ég ætla að fá leifi frá höfund til að prenta þessa grein.  

[Valdimar H Jóhannesson, 11.5.2011 kl. 20:42]

Valdimar

sæll nafni. Gott að heyra í mönnum sem þekkja til að eigin raun. Mín þekking kemur til að því að þekkja vel til í Danmörku, - sjá hvað þar hefur verið að gerast undanfarna ca tvo áratugi og með miklum lestri um þetta efni, bæði með lestri fjölda bóka og miklum lestri af greinum. Besta lesefnið er eftir múslíma sem hafa fengið nóg af ofstækinu og hafa snúið baki við Islam. Þessi menn og konur eru hetjur sem setja sig í stórkostlega lífshættu til þess að segja sannleikann. Þetta fólk á skilið stuðning okkar til að losna undan þessum fjötrum.

Þér er að sjálfsögðu heimilt að prenta út greinina og dreifa henni eins og þú kýst.

[Árni Gunnarsson, 11.5.2011 kl. 20:48]

Læt nægja að þakka þér fyrir að hafa orð á þessu Valdimar. Þetta mál er eitt af nokkrum mikilvægum framtíðarmálefnum sem við þurfum að þora að ræða. Þau eru orðin mörg viðfangsefni þessarar þjóðar sem hafa orðið - og eru okkur erfið vegna þess að við höfum ekki haft kjark til að afgreiða þau í samfélagsumræðunni. Þetta er eitt þeirra og gæti orðið það versta ef við ýtum því lengur á undan okkur.

[Valdimar H Jóhannesson, 11.5.2011 kl. 20:54]

Svanur

þú ættir að lesa sjálfur þær greinar sem þú vitnar til. Múselmaður þýðir það saman og múslími og hreinn útúrsnúningur að segja orðið einnig ná yfir gyðinga þó að orðið hafi verið notað um þá fanga útrýmingabúða nazista sem ekki höfðu lengur mátt til að standa í lappirnar heldur hímdu á grúfu fram á hendur sér eins og múslimi á bæn. Í orðabók Menningarsjóðs er orðið "múselmaður! útskýrt sem "múhammeðstrúarmaður". Þú þarf að læra að láta þér segjast þegar þú ert leiðréttur. Það er allt í lagi að hafa á röngu að standa. Það kemur fyrir alla.

Hvað varðar seinni málsgreinina í athugasemd þinni bendi ég þér á það að lesa færslu mína aftur. Þú sæir þá kannski að þú ert að grauta í málinu ( lesist: athugasemdin er þvæla) !!!!

[Sigurður Kristján Hjaltestesd (IP-tala skráð) 11.5.2011 kl. 20:56]

Ekki er nokkur vafi á því, að mismunun er bönnuð með lögum á Íslandi varðandi trúarbrögð Svanur. Og öllum frjálst að iðka það. En það er ekkert í íslenskum lögum sem heimilar hverju og einu trúarbragði, hvaðan sem þau koma,  að það sé sjálfsagður réttur um að það  megi byggja sér hús/mosku/bílskúr vegna sinna trúarbragða.  Eigum við ekki bara næst að leyfa Hell Angels og Banditos að starfa hér á Íslandi, því ekki máttu gleyma því góði drengur, að í dag eru þessi samtök orðin að trúarbrögðum..! Hvar eigum við að draga línuna.   Allt þitt skrif  hefur ekkert með trúarmismunun að gera, heldur einfaldlega þá staðreynd að þessi algjörlegi mismunur  á múslemsku samfélagi og vetrænnar, fer bara einfaldlega ekki saman. Sama hversu fólk vill reyna, þá hefur reynslan ALLTAF sýnt hið gagnstæða.  Á Ísland að vera einhver tilraun til einhver annars..????? Eigum við ekkert að læra af öðrum..??  Ég er ekki að tala um 10 ár sem nágrannar okkar hafa reynt þetta dæmi  með fjölmenningarþjóðfélög , heldur 40 ár sem þeir hafa reynt að vera fyrirmyndarþjóðfélög  varðandi fjölmenningu. Og sjáðu hvar þau standa í dag.  Allt í vitleysu og volæði. Endlausar uppákomur vegna Múslima. Ekki eru það önnur trúarbrögð sem eru að þvælast fyrir lögum og rétti nema múslimar. Þeir telja sig hafa þann rétt að setja börin sín í Múslimska skóla, þar sem þeim er ekkert kennt varðandi sögu eða siði þess lands sem þeir búa, heldur bara allt um Kóraninn. Sama mun ske hér. Danir eru og voru rétt í dag að sammþykkja það að taka upp landamæri að nýju. Og fleiri munu fylgja á eftir. Af hverju heldur þú að það sé...?? Til að stemma við glæpalýðum..?? Það á sinn þátt, en einn stæðsti hluti þessa landamæraeftirlits (og má bara ekki tala um) er til þess gerður að hefta innflutnigng á ólöglegum innflytjendum, sem  flestir koma frá mið-austur löndum. Okkar nágranna þjóðir eru búnar að fá nóg af þessu svokallaða umburðarlyndi gagnvart öðrum, sem á endanum allaf snýst í andhverfu sína. Hversu langt á Ísland að ganga til að við stöldrum aðeins við og lærum af okkar nágrönnum með þeirra 40 ára sögu..?? Eða ætlum við enn eina ferðina að segjast hafa fundið upp hjólið..?? Þetta er bara staðreynd um það sem er að ske í kringum okkur og ef fólki líkar ekki það. Nú þá er ég bar fordómafullur rasisti að reyna segja frá því sem er að ske.

Með virðingu fyrir öllum.

Kveðja Sigurður. 

[Valdimar H Jóhannesson, 11.5.2011 kl. 20:59]

Árni

þakka þér fyrir stuðninginn. Hann er mér alltaf mikils virði. Ég er þér sammála að eitt það versta sem getur hent samfélag er að þora ekki að ræða þau málefni sem koma því við. Aðeins með því að skiptast á skoðunum getum við nálgast þær lausnir sem okkur henta sem samfélagi manna á þessu skemmtilega en oft erfiða landi.

[Valdimar Samúelsson, 11.5.2011 kl. 21:25]

Þakka þér Valdimar  já nafni eins og afi minn sagði alltaf. Það sem maður tók eftir í þessum löndum var mann-illskan og hún var ekkert síður hjá svertingjum sem voru múslímar. Þeir trúðu því að ef þú hafðir farið í pílagrímaför til Mekka þá varst þú yfir alla hafin og þeir sem höfðu farið tvisvar voru enn hærra settir. Þetta þýddi að innan fyrirtækis réði ekki yfirmaðurinn heldur Pílagríminn. (Pílgrimminn) Auðvita er gott fólk en það er í stórhættu ef það opinberast. Ég hlustaði á viðtal í útvarpinu um daginn en þar kom fram að 25% af fæðingum í dag var af erlendri móður. Það var líka sagt að það væri prógramm að fara í gang með að gera þessa athöfn eins og í heimalandi mæðranna. Ísland er berskjaldaðasta land og því auðveldast að brjóta niður til hlýðni fyrir minnihluta hópa. Þetta er nútíma stríð.

[Vilhjálmur Stefánsson, 11.5.2011 kl. 23:47]

Í Norður og Vestur Aferíku þar sem ég þekki best til er okkur sem kristnum mönnum skylt að halda okkur sem mest afsíðis þegar við erum ekki á okkar vinnusvæði og helst að fara í öllu eftir þerra trúarbrögðum sem er islam.Við erum réttdræpir í þeirra augum.Við erum ekki að fást við venjulega menn,nei heldur stór hættulega menn.Í dag glíma allar Norðulanda þjóðirnar við vandamál múslima.Meira að segja má ekki teikna skopmynd  af þessum lýð í okkar innlendu blöðum. Hveju áttu þá von á? Máske múslima með spengjubelti.Ef ekki það þá segist hann vera að farast á taugum og lagður inn á Geðdeild Landspítalans til þess að hann fái því framgengt  að fá veru hér        á landi.það þarf enginn að segja mér að þessir menn hafi verið pintaðir í sýnu heimalandi og komist undan og upp á Í sland, nei ég þekki betur til að það sé hægt að segja mér slíkar sögur.

[Svanur Gísli Þorkelsson, 11.5.2011 kl. 23:52]

Valdimar. Þú ferð með staðlausa stafi. Annað hvort ertu ekki læs á enska tungu því þaðan eru tilvitnanir mínar og það er til vansa og má þá virða þér til vorkunnar, eða að þú ert gjörsamlega siðblindur.

[Valdimar H Jóhannesson, 12.5.2011 kl. 09:18]

Svanur

 ég nenni nú ekki að mkunnhöggvast við þig öllu lengur en eigum við að kíkja á þetta úr grein sem þú vísar í:  

Some scholars argue that the term possibly comes from the Muselmann's inability to stand for any time due to the loss of leg muscle, thus spending much of the time in a prone position, recalling the position of the Mussulman (Muslim) during prayers.^[3].

Þetta þýðir á mannamáli að fangar sem voru aðframkomnir af hungri og vosbúð minntu á múselmenn eða múslíma eða múhammeðstrúarmenn á bæn og fengu uppnefningu af því.  Ef ég kallaði nú einhvern Íslending apakött vegna þess að mér finndist hann minna á þá dýrategund væri þá hægt að álykta að þegar orðið apaköttur kæmi fyrir í texta væri jafn víst að þar væri átt við Íslendinga yfirleitt eða þesu ákveðnu dýrategund.

Þú verður uppvís að misskilningi og ert leiðréttur. Í stað þess að þakka fyrir ábendinguna og læra af því þá bregstu við með því að væna mig um siðblindu. Og af því að þú spyrð þá er ég betur læs á ensku en gengur og gerist enda les ég heldur meira á því tungumáli en á móðurmálinu og ég les mjög mikið.

[Svanur Gísli Þorkelsson, 12.5.2011 kl. 13:24]

Ég trúi vel að þú hafir ekki nennu til að munnhöggvast um þetta Valdimar. Heilindi þín endurspeglast í því að í síðustu athugasemd skautar þú fram hjá merg málsins. Tilvitnun hefst svona; 

(pl. Muselmänner, from the German, meaning Mussulman (Muslim); in Polish Muzu?man) was a derogatory term used among inmates of World War II Nazi concentration campsto refer to those suffering from a combination of starvation(known also as "hunger disease") and exhaustion and who did not maintain basic standards of physical hygiene.

Hvað þýðir orðið "derogatory" Valdimar?

Vegna þessar tengingar við Nasisma er orðið um allan heim niðrandi hvort sem það er notað um múslíma sem aðra.- Það er ástæðan fyrir því að orðið er ekki notað mikið nú til dags Valdimar, jafnvel í Íslensku, þótt það finnist í orðabók.  

[Valdimar H Jóhannesson, 12.5.2011 kl. 14:45]

Svanur

þú ert greinilega einn af þeim sem þarft að eiga síðasta orðið. Ég ætla samt að gera síðustu tilraun til að hjálpa þér.

Það er alveg rétt að það var afar lítillækkandi að kalla fanga í útrýmingabúðum nazista múselmenn þegar þeir voru orðnir of máttfarnir til að standa í lappirnar. Yfirleitt voru þessir fangar gyðingar og því enn rosalegra að líka þeim við múslíma á bæn en múslímar hafa verið einir helstu hatursmenn gyðinga í 1400 ár. Það var í þessu samhengi sem orðnotkunin var lítillækkandi þó að orðið sem slíkt sé ekki lítillækkandi enda notað af flestum Evrópðuþjóðum fyrir utan enskumælandi. Til þess að þú skiljir þetta alveg þá er orðið api ekki lítillækkandi nema það sé notað til að lýsa manni, - þá verður orðið lítilækklandi.

Þetta er síðast tilraun mín til þess að uppfræða þig um þetta orð en ráðlegg þér að fletta orðinu upp á dönsku, þýsku, frönsku, ítölsku og pólsku. Þú munt sjá að þetta orð eða orð mjög skyld því eru til á öllum þessum tungumálum og eru notuð þar. Ég er nýbúinn að sjá franskan fréttaþátt sem þar sem orðið var notað.

Ég hvet þig svo til þess að halda áfram að kynna þér þessi mál með opnum huga eins og ég mun gera.

Vertu svo ævinlega blessaður

[Vilhjálmur Stefánsson, 12.5.2011 kl. 16:39]

Sigurður Kristán og Valdimar H. Höldum okkur við staðreindir og Árni þetta vandamál með Múslima á eftir að valda okkur vandræðum og tjóni ef við spornum ekki við því í tækatíð..þeir sem ekki þekkja til másinins ættu ekki að rita um það....Valdimar H Jóhannesson,stöndum vörð um okkar Íslensku arfleið!!!!!!!!!

[Loki (IP-tala skráð) 14.5.2011 kl. 19:16]

''Orð í tíma töluð'' Takk fyrir mjög svo góða grein.

Það er ekki hægt að kalla þá sem eru á móti þessari ''Fjölvæðingu'' rasista þar sem er ekki ''race''  er að ræða.

Mótmæli Svans byggjast á (mis) noktun eins orðs svo einhvernig finnst mér ekki vera mikil sannfæring  sem liggur þar á bakvið.