RÚV og Össur með endemum

Fréttaflutningur Ríkisútvarpsins undanfarna daga um átök Israel og Hamas hefur verið öldungis forkastanlegur eins og málflutningur Össurar utanríkisráðherra. Staðreyndum er rækilega snúið á haus og afleiðingar taldar orsök og orsök afleiðingar. Þannig hefur RÚV klifað á því aftur og aftur að hegðan Israelshers sé upphaf að  alblóðugum átökum þessara aðila núna eins og RÚV gerir jafnan og er engu líkara en Hamas hafi sérstakan fulltrúa sinn starfandi á fréttastofunni og sá sé trúr þeim islömskum hefðum að segja helst aldrei satt orð.

Allar fréttir RÚV draga upp þá mynd að Israelsmenn hafi ráðist með sprengjum á Gaza svæðið og Hamas bregðist við með því að senda
flugskeyti á suðurhluta Israels þegar staðreyndin er þver öfug. Þorvaldur Friðriksson fréttamaður flytur öfgafyllstu fréttirnar og hikar aldrei við að halla réttu máli þegar Israel á hlut að máli. Fréttafalsanir araba eiga greiðan aðgang í fréttir ríkisútvarpsins sem eru ekki leiðréttar jafnvel þó að sýnt hafi verið fram á lygarnar sem ná jafnframt til fréttamyndskeiða sem eru oft á tíðum  hreinn leikinn tilbúningur framleiddur undir merkjum Pallywood.

Staðreyndir tala sína máli ef þær fá tækifæri til að komast að. Hamas er greinilega í mun að æsa nú til átaka við Israela og á það sínar skýringar í pólitískum átökum meðal Palestínumanna. Þeir hófu að skjóta eldflaugum á suðurhluta Israel af miklum krafti um síðustu helgi en Israelsmenn sátu á sér í nokkra daga enda hafa þeir búið við eldflaugaárásir frá Gazasvæðinu alveg frá árinu 2001. Þær eru núna orðnar nær þrettán þúsund en flestar þeirra hafa þó orðið eftir að Israelsmenn létu aröbum eftir Gaza ströndina 2005. Tugir Israelsmanna hafa farist í þessu árásum jafnvel þó að reist hafi verið sprengjuheld skýli víðast hvar.

Eins og áður sagði sátu Israelsmenn á sér fyrstu dagana en
gátu að sjálfsögðu ekki liðið þessu öfgaliði að halda áfram að láta eldflaugunum rigna yfir suðurhluta Israels þar sem um milljón manna búa og hafa búið við stöðuga ógn nú í áratug.  Hamas menn ráðast fyrst og fremst á almenna borgara en skýla sér sjálfir bak við konur og börn og telja málstað sínum best borgið þegar þeir, sem þeir nota sem skjöld fyrir sig, falla í átökum.

Össur varð sér rækilega til skammar og skaðar íslenska hagsmuni með því að fordæma Israelsmenn fyrir að verjast árásum Hamas manna og segja ósatt um orsök og afleiðingu í þessu máli. Hann hefur haft forystu um það einn utanríkisráðherra Evrópu og hallast á sveif með hryðjuverkasamtökunum Hamas á Gaza. Össur heldur greinilega að hann gangi í augum á prófkjörskjósendum Samfylkingarinnar en vinstri menn hafa mikla tilhneigingu til þess að hallast á sveif með öfga- og hryðjuverkamönnum eins og dæmin sanna, - Stalín, Mao, Castro, Guevara, Pol Pot, Arafat,Kohmeini o.s.fr.

Stjórnvöld í Israel eru í fullum rétti við að verja borgarana fyrir árásum ofgafullra múslíma. Iranir hafa skaffað Hamas og Hezbollah í Líbanon eldflaugar til að vinna á gyðingum í Ísrael. Allir þessir aðilar hafa heitið því að þurrka Israel af landakortinu og jafnfram hafa
forsvarsmenn þeirra marglýst þvi að þeir stefni að því að drepa hvern einasta gyðing.

Meðal þessara eldflauga eru Fajr-5 flaugar sem draga 75 km eða til Tel Aviv sem er álíka langt og frá Hellu til höfuðborgarsvæðisins. Hryðjuverkamennirnir kalla þessar eldflaugar Khaybar sem er lýsandi fyrir hugarfar þeirra.

Með þessarri nafngift er vísað til ofbeldisfullrar árásar Múhammeðs á gyðingasamfélagið í Khaybar fyrir nær 14 öldum. Þá vann hann endalegan sigur á
gyðingum á Arabíuskaganum en líf þessarar fyrirmyndar allra múslíma er þvílík ofbeldis- og hryllingssaga að sá sem segir frá öllum þeim ósköpum er jafnan vændur um ofstæki af illa lesnum, fáfróðum multikulturistum, fjölmenningarsinnum sem telja sér það til tekna að hafa jafnan það sem ósannara reynist.

Athugasemdir

[Gunnar Heiðarsson, 16.11.2012 kl. 16:53]

Þú gleymir alveg þeirri staðreynd Valdimar, að það land sem Israel telur sitt er að stæðstum hluta unnið í styrjöldum. Landsvæði sem ekki er viðurkennt sem hluti Israels af alþjóðasamfélaginu.

Það er staðreynd að við tilurð Israels voru þeir sem á því landsvæði bjuggu ekki spurðir álits, þeir voru einfaldlega fluttir burtu. Það er einnig staðreynd að herir Israels hafa unnið lönd af Palestínumönnum trekk í trekk með hervaldi. Það er staðreynd að Israel er að auka sínar byggðir á landsvæðum sem ekki hafa talist til þeirra, landnemabyggðunum. Það er staðreynd að hernaðarmáttur Israels er mikill, en að sama skapi staðreynd að hernaðarmáttur Palestínumanna er lítill.

Þá er það staðreynd að Israel heldur þjóð Palestínu í herkví og ákveður hvað og hverjir fá að fara þangað inn. Þetta eru stæðstu fangabúðir heims!

Það er staðreynd að þegar einhver hendir stein í átt að Israelsmanni, er svarað með skothríð eða eldflaugum!

[Valdimar H Jóhannesson, 16.11.2012 kl. 17:54]

Gunnar 

Nei, ég gleymi hvorki einu eða neinu.  Þú ættir að kynna þér sögu Mið-Austurlands lengra aftur en til 1948 og reyna að átta þig á því að öll löndin þarna eru meira eða minna tilbúin af Frökkum og Bretum eftir fall Óttóman veldisins tyrkneska eftir fyrri heimsstyrjöld. Það var t.d. aldrei til neitt ríki araba sem hét Palestína hvorki fyrr eða seinna.

Rómverjar kölluð land gyðinga Palestínu þeim til háðungar fyrir 1900 árum.  Síðan er mikið vatn runnið til sjávar. Austur Rómverka keisaradæmið sem náði yfir öll þessi lönd reis og féll eins og nokkur kalíföt múslíma en Ótttóman veldið er þar síðast í röðinni.

Eftir allar þessar hræringar bjuggu kristnir menn og gyðingar oft við mjög harðan kost sem kúgaðir minnihlutahópar út um öll Mið-Austurlönd. Þegar Bretar fyrir m.a. tilstuðlan Balfour vildu gefa gyðingum möguleika á því að eignast heimaland á eyðilegu landssvæði í því sem þeir kölluðu Transjordaníu og að það varð síðan úr m.a. með fulltingi okkar á hluta þess lands kveiknuðu eldar út um öll lönd múslíma sem töldu fráleitt að nokkuð það land sem íslam hefði ráðið yfir færu í hendur kuffar, villutrúarmanna.

Hatur og heift magnaðist gegn gyðingum sérstaklega þó að kristnir menn fengju einnig sinn ríflega skammt af hatri. Úr þessu sjúka ástandi urðu mikil átök og flóttamannavandamál þar sem gyðingar urðu fjölmennari en arabar. Munurinn á þessum tveimur hópum flóttamanna var hins vegar sá stærstur að gyðingar leystu sín flóttamannavandamál en arabar hafa haldið við sínum flóttamannavandamálum í pólitískum tilgangi.

Niðurstaðan er sú að gyðingar sem bjuggu út um öll Mið-Austurlönd búa nú nær eingöngu á rúml 20 þúsund ferkílómetra svæði sem er 0.13 prósent af því landssvæði sem telst til Mið-Austurlanda. Íbúafjöldi þeirra er þó um um 1.6 prósent af íbúðafjölda Mið-Austurlanda. Þeir hafa því að meðaltali aðeins einn tólfta hluta af því sem hver arabi hefur til umráða. Er það virkilega svo að gyðingar megi hvergi vera?

[Sindri Karl Sigurðsson, 16.11.2012 kl. 20:16]

Ekki ætla ég að kýta við ykkur um sögulegar staðreyndir en þar sem verið er að skrifa söguna jafnóðum þá verð ég að segja að það sem Gunnar bendir á varðandi landnemabyggðirnar er farið að líkjast all óþyrmilega 75 ára gamalli sögu sem ekki er hollt að gleyma.

Er ekki sagt eitthvað á þá leið að barinn hundur leiti kvalara síns og að börnin hafi fyrirmyndir í þeim sem eldri eru.

Þetta á hvort tveggja vel við enda gyðingar óþreytandi í að benda á misréttið sem þeir voru beittir. Þeir sjá einfaldlega ekki skóginn fyrir trjánum.

[Sindri Karl Sigurðsson, 16.11.2012 kl. 20:22]

Óhætt að bæta því við að það er stærsta vandamál trúarbragða og hefur alltaf verið að neita að sætta sig við trú annara og upphefja sína siði í samfélaginu sbr. innflytjendamál í Evrópu síðustu áratugi.

Ef fólk vill ekki búa þar sem það er alið upp og þar sem þeirra siðir eru viðhafðir, þá á það ekki að vera vandamál annara ríkja/trúarhópa, þegar þeir hinir sömu vilja ekki aðlaga sig að því samfélagi sem tekur á móti því.

[Valdimar H Jóhannesson, 16.11.2012 kl. 20:51]

Sindri Karl

Ástandið á þessu svæði er ekki síst á ábyrgð arabísku nágrannaþjóðanna sem réðust aftur og aftur á Israel og fyrst daginn eftir að ríkið var stofnað. Engin landamæri hafa nokkurn tímann verið samþykkt af hálfu araba þannig að þetta er allt deilur sem enginn botn hefur fengist í fyrst og fremst vegna tregðu araba að komast að niðurstöðu. 

Vesturbakkinn, Judea og Samaria, tilheyrðu aldrei landi sem hét Palestína. Það er í mesta lagi hægæt að halda því fram að þetta sé umdeilt land sem hafi orðið það eftir stríðin milli araba og gyðinga.

[V.Jóhannsson (IP-tala skráð) 16.11.2012 kl. 21:48]

SKS, ég gríp ekki alveg síðust málsgrein hjá þér.

Einu innflytjendur til vestrænna landa, sem ekki samlagast vestrænum gildum , eru múslimar með sinn miðaldar hugsunarhátt og yfirgang. Sinnuleysi og fáfræði vestrænna manna á islam og þessum framandi hugsunarhætti hefur veitt þeim brautargengi í vestrænum löndum með hörmulegum afleiðingum. Fréttir frá Kokkedalkommun í Danmörku er ferskt dæmi.

Þakka góða grein, V. Jóhannesson.

[Sindri Karl Sigurðsson, 16.11.2012 kl. 23:04]

Sælir.

Ekki veit ég hver ber ábyrgð þegar tveir deila og hvorugur man af hverju deilan er í gangi. Þetta eru leyfar þess að deiluaðilar hafa kúgað hvorn annan til skiptis í gegnum árþúsundin og hafa ekki enn þann dag í dag vit á því að spyrja sjálfan sig að því afhverju er ég að þessu?

Varðandi síðustu málsgreinina þá er henni ekki beint að neinum sérstökum trúarhópum. Réttilega bendir þú á ákveðið vandamál sem ég reyndar sá með eigin augum gerast á níunda áratugnum í Danaveldi.

Það er klárlega víti til að varast.

[Helga Kristjánsdóttir, 16.11.2012 kl. 23:10]

Það er trúfrelsi í Israel.hvergi í Austurlöndum haf Arabar/Palestínumenn það betra,stunda vinnu jafnt sem Gyðingar. Þakka góða grein, Valdemar H. Jóh.

[Valdimar H Jóhannesson, 16.11.2012 kl. 23:35]

Sindri

þú ert greinilega ekki viss um í hvorn fótinn þú átt að stíga, - viðurkennir með einni setningu það sem þú mótmælir svo í næstu. Þú ert þó á réttri leið þegar efasemdirnar fá að komast að.

Ég get aðeins ráðlagt þér að lesa þér meira til. Sérstaklega þarftu að kynna þér afar blóðuga sögu íslam í 14 aldir og fá leiðbeiningu um trúarrit múslíma, þ.e. Kóraninn, hadíðurnar og Sira Rasul Allah ( opinbera sögu spámanns Allah eins og Múhammeð er kallaður.

Þar þýðir ekki að lesa áróðursrit múslíma heldur  bækur þeirra sem hafa haft fyrir því að kryfja þessi rit til mergjar og skilja samhengi hlutanna. Íslam er í yfirlýstu stríði við okkur sem ekki erum múslímar. Það er grundvallar atriði að þekkja óvininn sem hefur lýst því yfir að hann ætli að leggja þig undir sig. Ef ekki ertu dæmdur til að tapa.

Vonlausast af öllu er að leggja allt að jöfnu. Öll menning er eki jafn góð eða jafn rétthá í okkar samfélagi. Að halda slíku fram er algjörlelga fáránleg.Samfélög glæpagengja eru ekki jafnfætis skátahreyfingunni. Þjóðfélög alræðishyggju standast ekki samanburðinn við lýðræðislönd.

Íslam stenst engan samanburð við kristni eða gyðingdóm. Úr kristni og gyðingdóm hafa sprottið upp bestu þjóðfélög sem heimurinn hefur séð. Af íslam vex aðeins glundroði, heimska, fáfræði, fátækt og kúgun.

[Gunnar Heiðarsson, 17.11.2012 kl. 07:21]

Umræðan hér er farin að snúast um hver trúarbrögð séu góð og hver slæm. Kannski það hafi verið innlegg bloggfærslunnar, þó ég hafi ekki áttað mig á því. Sé svo vil ég bara segja eitt:

Þeir sem telja sín trúarbrögð betri en annara eru á hættulegri braut. Innan allra trúhópa er öfgafólk, líka kristninnar. Hvort sionismi sé betri eða verri en islam, ætla ég ekki að dæma, en bendi á að samkvæmt trúarritum beggja þessara hópa er margt gott, jafnvel sumt betra en kristinna trúarrita.

Það eru hins vegar þeir sem taka sér það vald að vera í forsvari sem oftar en ekki mistúlka trúarritin svo hægt sé að stunda ofbeldi. Þar er lítill munur á giðingum og múslimum. Fyrr á öldum fóru um lönd menn með ofbeldi og yfirgangi, með krossmark krists í annari hendi og sverð í hinni.

Ég vil taka það sérstaklega fram svo ekki valdi miskilningi að ég er kristinnar trúar.

[Valdimar H Jóhannesson, 17.11.2012 kl. 10:39]

Gunnar 

Þó að bloggfærsla mín snúist ekki um trúmál er algjörlega fráleitt að unnt sé að ræða um hryllinginn í Mið-Austurlölndum án þess að taka mið af íslam.Íslam er raunar ekki nema að litlu leyti trúarbrögð þeirri merkingu sem vesturlandabúar leggja í það hugtak heldur allsherjar hugmyndafræði fyrir allt líf múslíma, jafnt í einkalífi sem í opinberri stjórnsýslu. Gallinn við umræðu um íslam er hins vegar sá að flestir vita afar lítið um íslam og ég sé að þú ert einn af þeim.

Ég vil því aðeins svara þér með því að skora á þig að kynna þér íslam á gagnrýninn hátt en láta ekki einhver blekkingarrit afvegaleiða þig. Þegar þú veist eitthvað meira skal ég ræða við þig. Þér gæti gagnast að líta í einver af fyrri bloggum mínum um þessi mál.

Trúarbrögð gyðinga heitir ekki zionismi heldur judaismi eða það sem við köllum gyðingatrú en kristnin er sprottinn upp úr gyðingatrú og kannski einnig úr Zaraþústratrú Persa. Flettu upp skýringum á Zionisma á netinu. Þetta er allt aðgengilegt.

Það er vægast sagt kjánalegt að unnt sé að leggja öll trúarbrögð að jöfnu frekar en alla menningu. Íslam er skemmandi hugmyndafræði sem hreppir allt í fjötra fátæktar, vankunnáttu, glundroða, ofstækis og ofbeldis eins og dæmin sanna harvetna. Kristni og gyðingdómur hafa bætt samfélög sín og aukið á þroska þeirra og lífsgæði þegnanna. Þú leggur ekki að jöfn Hells Angels og skátahreyfinguna eða gerir þú það? Það er til vondir menn og góðir í öllum hópum en hugmyndafræðin er ekki öll söm og jöfn. Íslam eins og kommúnismi og nazismi er vond hugmyndafræði en þessi alræðiskerfi eru öll af sömu hvötum sprottin.

[Hjálmtýr V Heiðdal, 17.11.2012 kl. 13:36]

Það er til lítils að ræða fréttaflutning og yfirlýsingar stríðsaðila fram og aftur. Það eina sem skiptir máli er að síonistar eru enn að ræna landi af Palestínumönnum. Viðbrögð Palestínumanna eru margskonar og menn geta kallað þá hryðjuverkamenn og haft mikla samúð með Ísraelsríki. En það flýr enginn frá grundvallar staðreyndum þessa mál: Ísrael er stofnað á landi þar sem fyrir bjó annað fólk og allt frá 1947 hafa síonistar verið að taka meira og meira af þessu landi. Allt annað eru viðbrögð frumbyggjanna eða framhald þessa landráns. Síonisminn er evrópsk nýlenduhreyfing sem upphófst formlega 1897 og þar var starx ákveðið að reyna að leggja undir sig Palestínu með hjálp nýlenduvelda. Það hefur tekist. En þar sem þjóðernishreinsanirnar eru er fullkláraðar þá heldur stríðið áfram.

[Valdimar H Jóhannesson, 17.11.2012 kl. 15:46]

Hjálmtýr

 Þetta er auðvitað sjónarmið út af fyrir sig að engu skipti hvað er satt eða logið í fréttaflutningi af því að  aðeins eitt skipti máli og það sé  þín þrönga sýn á þær umbreytingar sem urðu á Mið-Austurlöndum eftir fall  Óttómanveldisins í lok heimstyrjaldarinnar fyrri. 

Auðvitað veistu vel að það var ekki til neitt land araba sem hét Palestína og hefur aldrei verið til. Því var ekki hægt að taka neitt land frá þjóðlandi sem ekki var til og hefur aldrei verið til. Veistu dæmi til þess að land hafi verið tekið frá einhverjum sem átti eignatilkall til þess?  Gaman væri að fá dæmi um það. Ég veit hins vegar að gyðingar keyptu land í stórum stíl af aröbum sem oft bjuggu ekki á þessu landsvæði. Ertu þú í stakk búinn til að leggja neikvæða dóma á slíkar eignartilfærslur í landi til tilheyrði engu þjóðríki á þessum tíma þar sem Ottaman veldið var horfið inn í sögunnar þunga straum sem hefur stigið og sigið með miklum dyn í þessum heimshluta.

Okkur gefst ekki tækifæri til þess að vinda til baka atburðarrás sem er orðin. Stofnun Israelsríki er staðreynd og það var með fulltingi okkar Íslendinga. Við vorum ein af fyrstu þjóðum til að viðurkenna það á alþjóðlegum vettvangi og uppskárum þakklæti margra fyrir vikið. Hatursboðskapur íslam sem hefur boðað dauða og tortímingu eða algjöra undirgefni gyðinga og kristinna manna í 1400 ára blóðugri og afar ofbeldisfullri sögu íslam, varð til þess að allar nær allar arabaþjóðirnar réðust á Israel strax við stofun ríkisins. Öllum til mikillar undrunar vann Israel stríðið sem leiddi af sér stórt flóttamannavandamál bæði hjá aröbum á þessu svæði en einnig ekki síður hjá gyðingum sem bjuggu út um öll Mið-Austurlönd. Gyðingar voru fjölmennari flóttamenn en arabar og þeir urðu að flýja allslausir undan arabískri ógn og tortímingu meðan arabísku flóttamennirnir voru hvattir af arabalöndum til að forða sér af stríðsvæðunum þar sem átti að eyða Israelríki í eitt skipti fyrir öll.

Gyðingar gengu í að leysa sín flóttamannavandamál. Arabar  nota sína flóttamenn í póltískum tilgangi eins og þú hefur getað lesið í ágætu viðtal við palestínskan flóttamann og rithöfund í Mbl fyrir viku, Mazen Maarouf rithöfund.  Hann segir

„Við verðum að horfa til aðstæðna í kringum málstað Palestínumanna og ríkjanna í Mið-Austurlöndum, sem njóta góðs af því að tryggja að barátta Palestínumanna fái enga lokaniðurstöðu. Aftur snýst allt um vald og herkænsku, valdataflið við Ísrael. Sá sem nær að sölsa undir sig málstað Palestínu getur staðið andspænis Ísraelum, getur samið við þá, þótt hann sé ekki í stöðu til að fara í stríð við þá.“

 

Hann segir einnig: „ »Hamas er einnig birtingarmynd einræðis. Ég þarf ekki að vera blindur eða loka augunum þótt ég sé Palestínumaður eða klappa fyrir fólki sem fer á vettvang og segist styðja málstað Palestínu með því að vera í slagtogi við Hamas. Ég fordæmi einnig fólk, sem fer til að styðja minn málstað, eða málstað Palestínu, í gegnum Hamas. Hamas er ein mynd einræðis og það sama á við um Fatah-hreyfinguna á Vesturbakkanum. Þeir eru spilltir og sem Palestínumenn ættum við ekki aðeins að berja á Ísraelum og segja að eyða beri Ísrael. Við ættum að skipuleggja nýjan, óspilltan pólitískan vettvang, sem getur skapað heilbrigð skilyrði til að berjast fyrir réttindum okkar. Og mig langar til að segja við þá, sem fara til Palestínu og hafa gert sér þetta að viðurværi að því leyti að þeir fá styrki og fá teknar myndir af sér með palestínskum börnum sem er hægt að senda Evrópusambandinu til að fá enn meiri styrki: Við þurfum ekki á ykkur að halda. Við þörfnumst ykkar aðeins ef þið styðjið málstað okkar í raun, ekki með því að styðja spillingaröflin, sem stjórna málstað Palestínu.“ 

 

Seinna segir hann: „Ég get ekki horft fram hjá því að gyðingarnir, sem komu til Palestínu, komu af mannúðarástæðum. Þeir litu ekki til Palestínu og sögðust ætla að drepa alla Palestínumenn. Þannig var það ekki. Þeir voru flóttamenn. Við komu þeirra varð vissulega til annar flóttamannavandi og ég er palestínskur flóttamaður, en það þýðir ekki að ég eigi að leiða vanda annarra flóttamanna hjá mér. Við sitjum upp með keðjuverkun þar sem eitt vandamál rekur annað, en hvað á að gera nú? Á ég að krefjast þess að gyðingar verði brenndir, drepnir eða sparkað út? Það býr bara til enn einn flóttamannavandann. Ég held að við ættum að skilgreina málstað Palestínumanna á uppbyggilegri og yfirvegaðri hátt. Við höfum enn ekki fengið tækifæri til þess í sögunni að berjast fyrir réttindum okkar á friðsamlegan eða skynsamlegan hátt. Við þurfum alltaf að bera vopn og vera tilbúin til að drepa, grípa til aðgerða og hvetja til drápa. Við ættum að hugsa okkar gang og finna nýjar aðferðir og leiðir.“

 

Ég held Hjálmtýr að við ættum að hlusta á þennan mann og marga aðra líka honum og reyna að horfa á hörmungar fólks í Mið-Austurlöndum með velvilja og óskum um að þeim megi linna. Við leysum ekki vandamálið með irönskum flugskeytum þó að þér þyki það kannski í bili.  Er ekki komið nóg af hatri og heift, morðum, ógnum og fátækt.

 

[Sindri Karl Sigurðsson, 17.11.2012 kl. 16:34]

Ég stíg í báða fætur þegar ég er kyrr, annars ekki.

Það er engin réttlæting til yfir það að hreppa fólk í ánauð, sama hverju það trúir og í hvaða ríki það þykist búa í.

[Valdimar H Jóhannesson, 17.11.2012 kl. 16:49]

??????????????

[Hjálmtýr V Heiðdal, 17.11.2012 kl. 16:57]

Ég þekki Mazen Maarouf og styð hans afstöðu. Hann er eins og ég andsnúinn öfgum hvar sem þær birtast. Ef þú ímyndar þér að hann sé sammála þér í þínum stuðningi við síonismann þá skjátlast þér illilega. Þú telur að vandamálið felist í tilvist íslam og skrifar mikið um það. Vandamálið er síonisminn og ekkert mun miða áfram í baráttu fyrir friði og mannréttindum fyrr en síonistar í Ísrael missa völdin. Þá - og aðeins þá - skapast grundvöllur fyrir sýn Mazen ofl. fyrir betra líf í Palestínu og Ísrael - hvort sem það verður eitt ríki eða tvö.

Þú ferð rangt með varðandi atburði 1948. Benny Morris, ísraelskur sagnfræðingur og síonisti, hefur rannsakað fjöldamorð og nauðganir sem herir síonista beittu gegn palestínumönnum 1948 og 49.

Hann skýrir frá því að í skjalasöfnum ísraelska hersins séu skjöl sem sýna að fyrirskipanir um þjóðernishreinsanir. Hann skýrir einnig frá því að Ben Gurion hafi látið þagga málin niður.

Benny Morris er síonisti eins og fyrr segir og telur að fjöldamorðin hafi verið réttlætanleg.

Hér er smá úrdráttur úr viðtali við hann:

According to your findings, how many acts of Israeli massacre were perpetrated in 1948?

"Twenty-four. In some cases four or five people were executed, in others the numbers were 70, 80, 100. There was also a great deal of arbitrary killing. Two old men are spotted walking in a field - they are shot. A woman is found in an abandoned village - she is shot.

There are cases such as the village of Dawayima [in the Hebron region], in which a column entered the village with all guns blazing and killed anything that moved. "The worst cases were Saliha (70-80 killed), Deir Yassin (100-110), Lod (250), Dawayima (hundreds) and perhaps Abu Shusha (70). There is no unequivocal proof of a large-scale massacre at Tantura, but war crimes were perpetrated there. At Jaffa there was a massacre about which nothing had been known until now. The same at Arab al Muwassi, in the north. About half of the acts of massacre were part of Operation Hiram [in the north, in October 1948]: at Safsaf, Saliha, Jish, Eilaboun, Arab al Muwasi, Deir al Asad, Majdal Krum, Sasa.

In Operation Hiram there was a unusually high concentration of executions of people against a wall or next to a well in an orderly fashion. "That can't be chance. It's a pattern. Apparently, various officers who took part in the operation understood that the expulsion order they received permitted them to do these deeds in order to encourage the population to take to the roads. The fact is that no one was punished for these acts of murder. Ben-Gurion silenced the matter. He covered up for the officers who did the massacres."

[Hjálmtýr V Heiðdal, 17.11.2012 kl. 17:07]

Þú skrifar: „Auðvitað veistu vel að það var ekki til neitt land araba sem hét Palestína og hefur aldrei verið til. Því var ekki hægt að taka neitt land frá þjóðlandi sem ekki var til og hefur aldrei verið til“

Þú ert að meina þjóðríki væntanlega. Það var ekki til, en landið hefur verið undir yfirrráðum ýmissa í aldannna rás.

Auðvitað var til land Palestínumanna - þeir bjuggu þar hundruðum þúsundum saman áður en síonistar hófu að flytjast þangað seint á 19. öld. Meira að segja Hæstiréttur Ísraels hefur dæmt að Palestínumenn eiga land sem hefur veið tekið frá þeim undir ólöglegar landræningjabyggðir. Ekki vefengir þú þann úrskurð?

[Valdimar H Jóhannesson, 17.11.2012 kl. 18:15]

Hjálmtýr

Ég ætla nú ekki að fara skrifast á við þig í endalausum langhundastíl. Stríð er altaf andstyggilegt en ef þú ætlar að fara í einhverjar lýsingar á voðaverkum Israelsmanna þá er ég ansi hræddur að þú verðir fljótt kaffærður af lýsingum á hræðilegum fólskuverkum múslíma. Það er enginn endir á slíkum viðbjóði.

Það er ansi þunnnur þrettándi að vísa í eitthvert viðtal við einhvern sem þú segir vera zionista en er á sama tíma að lýsa voðaverkum zionista !!!!!!!

Ef Hæstiréttur Ísrael hefur dæmt einhverjum Palestínumönnum í vil í landamálumn þá er það úrskurður sem verður að hlýta þar í landi. Í Israel eru allir jafnir fyrir lögum sem er eins og það á að vera en er ekki almennt í löndum múslíma. Hvarflar ekki að mér að véfengja dóm Hæsataréttar Israela. Þar sitja dómarar sem eru bæði gyðingar og arabar og dæma á grundvelli laga sem gilda fyrir alla.

[Sindri Karl Sigurðsson, 17.11.2012 kl. 20:30]

Það er alltaf hættulegt að munn- og rithöggvast á við fólk sem þykist ekki skilja það sem að því er att. Þetta er ein aðal orsök þess hve illa fólki af mismunandi þjóðarbrotum og trúarbrotum gengur að leysa sín vandamál.

Með kveðju að Austan.

[Halldór Egill Guðnason, 21.11.2012 kl. 03:59]

Það er ömurlegt til þess að hugsa, að Ísland var eitt af þeim ríkjum sem hvað ákafast studdi stofnun Ísraelsríkis, eftir seinna stríð.

Írar eiga samkvæmt kröfum gyðinga til stofnunar ísraelsríkis í miðri Palestínu, sögulegan rétt á því að yfirtaka Ísland, flytja alla Íslendinga á Langanes, skrúfa fyrir rafmagn, hita og aðrar nauðsynjar. Skjóta síðan hvern þann sem ærist yfir ástandi síns fólks í vonlausri aðstöðu, eins og hvern annan hund.

[Valdimar H Jóhannesson, 21.11.2012 kl. 14:08]

Halldór

Ég birti athugasemdir frá þeim sem koma fram undir nafni og halda sig við málefnin en fara ekki í lágkúrulegt skítkast. Þú stenst slíkar reglur en hins vegar fallast mér alveg hendur þegar á að fara að svara þér og horfi niður í svona botnslaust dýki vanþekkingar eða fordóma.

Þú þarft að kynna þér sögu Mið-Austurlanda fordómalaust til þess að átta þig á þeim miklu hræringum sem þarf hafa ríkt um aldir. Einnig þarftu að kynna þér íslam með krítísku hugarfari til þess að þú getir áttað þig á því að íslam hefur stefnt að því í 1400 ár að eyða allri annarri trú en íslam.

Þarna hefur verið háð Jihad og Fatah í 1400 ár og það stendur enn yfir. Að ætla að skýra þetta fyrir þér er meira verk en ég treysti mér í að sinni. Flettu upp Stofnskrá Hamas á netinu, Hamas Charter, til þess að byrja með. Ég skal síðan leiðbeina þér um val á bókum til þess að lesa til að fá innsýn inn í þennan heim. Það er engan veginn auðvelt ðg setja sig inn í hugarheim íslam en það er hægt ef viljinn er fyrir hendi!