Vill þjóðin galopin landamæri?

 Eftir 10 daga stendur að öllu óbreyttu til að íslensk stjórnvöld skrifi undir samning Sameinuðu þjóðanna í Marrakech í Marokkó sem ég fullyrði að yfirgnæfandi meiri hluti þjóðarinnar myndi algjörlega hafna ef þjóðinni stæði til boða að taka afstöðu til samningsins. Afleiðing þessa samnings verður að allar flóðgáttir munu opnast fyrir nánast öllum íbúum jarðar sem kjósa að flytja til Íslands, hvort sem farandsfólkið flokkast undir hælisleitendur, flóttamenn eða svokallaða velferðarinnflytjendur.

Samningurinn nefnist Global Compact for Safe,Orderly and Regular Migration eða lauslega þýtt Alheimssamningur um örugga, skipulagða og reglubundna fólksflutninga. Þessi samninngur er tilkominn vegna þeirrar sýnar starfsliðs SÞ að æskilegt sé að fólksflutningar í heiminum séu gerðir aðgengilegri fyrir þá jarðarbúa sem þess æskja.

Samningurinn var lagður fram á þingi SÞ 2016 svo aðildarlöndin gætu tekið afstöðu til hans. Ekki er annað að heyra en að hann verði staðfestur af flestum aðildarlöndum SÞ. Hér hefur samningurinn ekki fengið neina umfjöllun þessi tvö ár að séð verður hjá alþingi, stjórnvöldum eða fjölmiðlum. Því er viðbúið að utanríkisráðherra landsins eða staðgengill hans skuldbindi okkur 10. eða 11. desember nk eða eftir rúma viku án þess að nokkur umræða hafi farið fram um samninginn hérlendis. Það væri eftir öðru í stjórnsýslunni þar sem ríkir einbeittur brotavilji gegn hagsmunum þjóðarinnar í innflytjendamálum!

Nú er vitað að nokkur lönd munu ekki staðfesta samninginn m.a. Ástralía, Austurríki, Bandaríkin, Pólland, Ungverjaland, Bulgaría, Tékkland, Slovakia, Eistland og Israel, en auks þess heyrist síðustu daganna að Ítalía og Króatía muni ekki undirrita hann. Þá kann vel svo að fara að Danmörk muni ekki undirita samninginn þar sem Þjóðarflokkurinn hótar að hætta stuðningi við ríkisstjórn Lars Lökke ef samningurinn verður undirritaður. Þá hefur Sviss ákveðið að fresta undirskrift svo unnt reynist að ræða hann í þinginu.

Formælendur þessa samnings halda því fram að þessi samningur sé ekki lagalega bindandi fyrir samningsaðila sem er kannski rétt í þröngum skilningi en enginn getur mælt því í mót að samningurinn er pólitískt bindandi og hann verður skeinuhættur löndunum við lagalega túlkun ýmis konar. Þau ríki sem neita að undirrita samninginn hljóta að skilja það svo að þannig komist þau hjá skuldbindingum sem þau vilja ekki takast á hendur.

Samningurinn gerir ráð fyrir að aðildarlönd muni hvetja almennt til fólksflutninga í heiminum, þau mun greiða götu þeirra sem vilja leggja land undir fót, setja undir þau farartæki og greiða fyrir því að farandsfólk af öllu tagi geti staðist þær kröfur sem eru gerðar til innflytjenda og auðvelda þeim þá vegferð með upplýsingum og veglegum móttökum.

Það er sannarlega dapurlegt ef þingmenn þjóðarinnar hafa ekki burði til þess að standa vörð um hagsmuni þjóðarinnar vegna þess að þeir virðist vera svo uppteknir af líkamspörtum starfsfélaganna og kynórum því tengdu eins og dæmin sanna nú síðustu daganna að fátt annað kemst að. Ég var á yngri árum oft á sumrin vinnufélagi manna sem voru almennt taldir óheflaðir. Ég man samt ekki eftir tali sem jafnast á við það sem þingmenn tala jafnvel í heyrandi hljóði á opinberum stöðum. Í fréttaviðtölum upplýsti svo formaður Miðflokksins að þeir þingmenn sem nú lýstu yfir hneykslan á talsmáta þingmannanna sem náðust á hljóðupptöku á Klausturbarnum væru dæmalausir hræsnarar því hann hafi oft heyrt þessa starfsfélaga á Alþingi tala með síst kurteisari hætti. Það er háttur þeirra sem stunda einelti að leggjast á þá sem lágt standa svo þeir verði ekki sjálfir skotspónar fólks af sama tagi og þeir eru sjálfur.

Það er leitt til þess að hugsa að nú þegar við fögnum 100 ára afmælis fullveldisins skuli vanta í stjórnmálalíf Íslendinga menn eins og Jón Magnússon, forsætisráðherra (1917-1926), sem átti hvað mestan þátt í að koma Sambandslagasamningnum á og tryggja þar með fullveldið. Þessi samningur lagði einnig grunn að því að 25 árum eftir undirritun samningsins gátum við á grundvelli samningsins stofnað lýðveldi árið 1944. Sennilega hafa fáir trúað því 1918 að við hefðum bolmagn til að færa okkur að fullu undan yfirráðum Dana svo fljótt sem raun bar vitni en Danir höfðu utanríkisþjónustuna með höndum auk þess að konungurinn, sem var konungur beggja landanna var óneitanlega miklu meiri Dani en Íslendingur.

Þó að ég sé meðal þeirra Íslendinga sem er mest skyldur þessum mæta manni ( hann var ömmubróðir minn og á enga afkomendur) er ég auðvitað ekki fær um að fullyrða hvernig hann myndi bregðast við þessum samningi SÞ sem hér er til umfjöllunar. En ætli honum myndi ekki þykja hart vegið að fullveldinu þegar skrifstofumenn úti í heimi teldust þess umkomnir að fara með fullveldisvald okkar? Og ætli honum myndi ekki þykja meira en nóg aðgert í innflytjendamálum hérlendis þegar hann áttaði sig á því að 20-25% af vinnandi fólki á Íslandi væru erlendir menn? Og ætli honum myndi ekki ganga illa að skilja að hér hefðu búið meðal okkar múslímar sem eftir hjálfrar aldar dvöl telji rétt að höggva hendur að þjófum og jafnvel lífláta þá sem hverfa frá íslams trú?

Ég skora á Alþingi Íslendinga að hættu nú öllum subbuskap í tali og framkomu. Hvort sem okkur líkar þeð betur eða verr hefur fólk sem nú situr á alþingi völdin til þess að huga að hagsmunum landsins í bráð og lengd. Mikið er í húfi að laga innflytjendalögin og skoða með kaldri skynsemi það sem hefur verið að gerast hjá nágrannalöndum til þess að Ísland þurfi ekki að kalla yfir sig vandamál af svipuðum toga. Og umfram allt að sjá til þess að ekki verið skrifað undir þennan fráleita samning.

 

Athugasemdir

[Hrólfur Þ Hraundal, 2.12.2018 kl. 10:16]

Svarið við upphafs spurningunni Valdimar H. Jóhannesson, er nei! og aftur nei!! tel ég mig sem Íslending geta fullyrt.

Vandinn er hinsvegar sá að á alþingi okkar Íslendinga er bara hrúga af ruslflokkum sem er nákvæmlega sama um hagsmuni okkar Íslendinga til framtíðar, „ þökk“ sé Alþingi fyrir að ríkisvæða nánast öll framboð.

Sagt hefur verið að okkur beri skilda til að skila Íslandi til afkomendanna í ekki verra ástandi en þegar við tókum við því.

Þegar svo er sagt, þá er ekki bara átt við að að skila því með öllum jöklum og þá Glámunni væntanlega líka, heldur og að skinsemi og regla ríki á Alþingi. 

Til athugunnar má benda á að stjórnarskrá múslíma samrýmist ekki stjórnaskrá okkar Íslendinga og þar með er það landráð að veita múslíma Íslenskt ríkisfang.  

[Kolbrún Hilmars, 2.12.2018 kl. 14:19]

Það yrði undarlegt ef íslenskir forráðamenn skrifuðu undir slíkan samning.  Hvað eigum við að gera við tug- eða hundruðir þúsunda fólks sem glæptist á því að trúa því að hér fengi það þak yfir höfuðið og allt sem þarf til framfærslu? 

Það er ekki eins og tjaldbúðir eða fjalakofar séu raunhæf lausn hérlendi - ekki einu sinni að sumarlagi.  

Þegar höfum við aðflutt vinnuafl sem telur örfáa tugi þúsunda, sem mörgu býðst ekki sæmilegt og varanlegu húsnæði jafnvel þótt það greiði væntanlega fulla skatta til samfélagsins af launum sínum.

Hverjum er ætlað að fæða, klæða og hýsa þann óþekkta fjölda sem búast má við? 

[Sigurður Kristján Hjaltested, 2.12.2018 kl. 20:30]

Tek undir með Hrólfi.

Af hverju vilja þessar druslur á Alingi

eyðileggja allt sem foreldar okkar og

afar og ömmur byggðu fyrir þeirra afkomendur.??

Fórn þeirra, til að byggja upp gott velferðakerfi

og heilbrigðisþjónustu er smánuð með þessari samþykkt.

Endilega, hleypið öllum hingað inn alþingismenn,

þá er nokkuð víst, að ekkert verður til að greyða

ykkur eftir laun, þar sem meiri hluti þeirra sem

hingað kæmu, væru hvorki læs eða skrifandi og

með engva menntun til að gera eitt eða neitt.

Frábær framtíðarsýn fyrir Ísland hjá þessu stórhættulega

rétttrúnaðar fólki.

Það er eitthavað mikið að hjá þessu fólki sem

á Alþingi situr ef það samþykkir þennan gjörning

sem mun kollsteypa öllu, þegar kemur að því að

fæða og klæða þetta lið, eins og Kolbrún bendir svo

réttilega á.

Er þetta virkilega sem Íslendingar vilja..??

Við erum aldrei spurð.!!

Þurfum bara að horfa á 63 hræður eyðileggja allt.

Þingmannaeiðurinn býður ekki uppá þetta.

Það er víst.

Til hvers er þetta lið að sverja hann til þess

eins að svíkja land og þjóð.

Þeir sem hann sverja, eiga að gæta hagsmuna þjóðar

númer eitt tvö og þrjú. En ekki einhverja erlendra

þurfalinga.

Svo einfallt er það.

[Hrólfur Þ Hraundal, 3.12.2018 kl. 01:14]

Þá erum við þrjú sammála um að okkur líkar það vel að fá að vera hér í næði eitthvað áfram með refum, músum, fuglum og hreindýrum án þess að vera hrakin af hólnum. 

   

[Egill Vondi, 3.12.2018 kl. 12:41]

Hafa menn haft samband við ráðherra, þingmenn eða flokksformenn varðandi þetta mál?

[Valdimar H Jóhannesson, 3.12.2018 kl. 13:52]

Hrólfur

það er engan veginn hægt að væna okkur um að að við höfum verið lokuð þjóð enda erum við frá upphafi komin úr fleiri áttum en flestir virðist skilja í dag. Íslendingar eru genetískt blandaðri þjóð heldur en nær allar þjóðir Evrópu voru þar til innflytjendur fóru að streyma inn undir lok síðustu aldar og núna með vaxandi þunga. Þetta var samt enginn vandi vegna þess að lang flestir komu með svipuð gildi. Vandinn núna eru þau að inn í Evrópu eru að streyma f´llk í stórum stíl sem hefur allt annað viðhorf til lífsins en f´llkið sem er fyrir. Þetta á alveg sérstaklega við þá sem eru að koma frá löndum þar sem íslam ræður ríkjum. Að viðuekenna þetta ekki jafngildir í mínum huga andlegri fötlun.

[Valdimar H Jóhannesson, 3.12.2018 kl. 13:58]

Egill vondi

Já athygli bæði þingcmanna og ráðherra hefur verið vakinn á því sem er framundan hjá þeim sjálfum ,en auðvitað er það í verkahring þeirra að kynna sér hvað þeir eru að samþykkja af tilmælum og tilskipunum frá alþjóðleguum stofnunum eins og SÞ og EU. Spurningin þín er þó hreint ekki út í hött þar sem við vitum að alþingismenn samþykkja fjöldann allan af lögum og reglugerðum sem berast frá EU án þess að hafa hugmynd um innihaldið. Í þessu tilviki hefur verið séð til þess að þetta fljóti ekki framhjá sofandi eða sauðdrukknum stjórnmálamönnunum okkar!!!!

[Jón Valur Jensson, 3.12.2018 kl. 16:09]

Ég þakka þér, Valdimar, vönduð skrif þín og upplýsingar hér um þennan óumbeðna "fólksflutningapakka" Sameinuðu þjóðanna (þar sem múslimaríki ráða um fjórðu hverju atkvæði!). Tek ennfremur undir orð þín í tveimur lokaklausum greinarinnar. Svo áttu hér mjög athyglisvert innlegg kl. 13.52 í dag og annað kl. 13.58 sem bendir á skondið, en óviðunandi ástand á Alþingi.

Af 42 lækum við grein þína, sem og af umræðu um hana, er ljóst, að þetta fólksflutningamál SÞ mætir hér víðtækri andstöðu meðal almennings, þrátt fyrir að fjölmiðlamenn jafnt sem pólitíkusar hafi gert allt hvað þeir gátu til að þagga málið niður, sennilega til þess að þeir síðarnefndu komist upp með það skammarlega athæfi eftir rétta viku að svíkja þjóð sína í þessu máli!

Hér er svo afar upplýsandi grein um málið, sú fyrri af tveimur, sem vel upplýst íslenzk kona erlendis þýddi og kom á framfæri, yfir sig hneyksluð á þöggunarviðleitni fjölmiðla um þetta stórháskalega mál (fyrirsögnin er þó undirritaðs):

STÓRMÁL: Fólksflutningasáttmáli SÞ, sem við ættum að hafna eða a.m.k. fresta staðfest­ingu á eins og Sviss gerir, en hér er ÞÖGGUN í gangi um málið!

[Halldór Jónsson, 3.12.2018 kl. 19:00]

Veit einhver hvort Gulli ætlar að skrifa undir eða ekki?

[Gunnar Heiðarsson, 3.12.2018 kl. 20:02]

Þakka þessa ábendingu Valdimar, hafði ekki heyrt um þessa samþykkt fyrr.

Hér í athugasemdum spyr einn hvort búið sé að hafa samband við ráðherra, þingmenn eða formenn stjórnmálaflokka um málið. Reyndar hélt ég að það væri í verkahring þessara aðila að upplýsa þjóðina um málið, ekki að þjóðin ætti að upplýsa þá. Mér vitanlega eru ráðherrar, þingmenn og formenn stjórnmálaflokka starfsmenn þjóðarinnar en ekki öfugt.

Það er því með algerum ólíkindum að utanríkisráðherra skuli ekki vera búinn að vekja máls á þessu í fjölmiðlum og að Alþingi skuli ekki hafa tekið það til umræðu. Allt bendir því til að hér ætli ráðuneytið að taka afdrífaríka ákvörðun sem mun varða þjóðina um aldur og ævi, án þess svo mikið að málið fái eina einustu umfjöllun. Einhvern tímann hefði slíkt verið skilgreint sem einræði af verstu sort.

[Valdimar H Jóhannesson, 3.12.2018 kl. 21:13]

Jón Valur

þakka þér fyrir þetta fróðlega innlegg og fyrir vilja þinn til að standa vörð um hagsmuni Íslands og framtíðar barnanna og barnabarna okkar í þessu landi. Mér er gjörsamlega fyrirmunað að skilja af hverjum menn eins og við nokkrir aðrir þurfum að brýna stjórnvöld í málinu.

Lágmarkskrafa okkar ætti að vera að fulltrúar okkar hjá SÞ, jafnt embættismenn sem stjórnmálamenn upplýstu okkur um málið og hvers vegna þeim þykir ekki miklu varða að sýna eðlilega aðgát í samskiptum á þessum vettvangi.

[Valdimar H Jóhannesson, 3.12.2018 kl. 21:21]

Halldór

ég veit ekki hvað Guðlaugur utanríkisráðherra er að hugsa. Veit það eitt að Jón Magnússon, sem hafði fyrir því að upplýsa hádegisfund Sjálfstæðisflokksins sl miðvikudag um málið og alvarleika þess, fékk þau einu viðbrögð að Guðlaugur ætlaði að láta starfsmenn ráðuneytisins kíkja á málið. Mátti á því skilja að ekki hafi hann vitað gjörla um málið á því stigi. Þetta er þó mál sem hefur verið tekist á um í nágrannalöndum okkar og ekkert víst hvernig því muni reiða af hjá þeim. Mér sýnist að þau hrannist upp málin sem bera þess merki að forystusveit Sjálfstæðisflokksins ráði engan veginn við hlutdverk sitt. Þriðji Orkumálapakkinn er annað nýlegt dæmi þar sem þeir reyna hvað þeir geta til þess að lauma því í gegn í háværum mótmælum almennra flokksmanna. Er ekki kominn tími á hallarbyltingu?

[Jón Valur Jensson, 4.12.2018 kl. 10:47]

Já, það má sannarlega taka undir þau orð þín, Valdimar. En ekki yrði bót að því að fá varaformanninn Þórdísi Kolbrúnu ESB-Reykfjörð Gylfadóttur að stýrinu í staðinn. "Landsfund strax!" er því rétta krafan, ella tekst þessari forystu að reka þetta Valhallarfyrirbæri sem Ósjálfstæðisflokkinn!

[Valdimar H Jóhannesson, 4.12.2018 kl. 12:57]

Jón Valur

Gallinn við Þórdísi Kolbrúnu er að hún er svo yfirgengilega aðlaðandi sð ég vil ekki trúa öðru en hún hafi gott common sense ef eftir því er leitað.

[Jón Valur Jensson, 4.12.2018 kl. 13:16]

Þetta skrifar þú á þína

þungu ábyrgð, Valdi minn.

"Sexista" vilja svarkar pína;

síðast verður þér stungið inn!

[Valdimar H Jóhannesson, 4.12.2018 kl. 13:39]

Jón Valur

Haha. Góður. Gat ekki stillt mig. Kannski kominn með þingmann í magann á gamalsaldri !

[Jón Valur Jensson, 4.12.2018 kl. 15:55]

Já, þú þarft að fara á þing, líka hann Halldór og Páll að auki! 

[Guðmundur Ásgeirsson, 4.12.2018 kl. 17:02]

Hvernig getur þjóðréttarsamningur ekki verið bindandi að þjóðarétti? Þversögnin hlýtur að vera augljós.